RESULTADOS ESTE SÁBADO EN ANOSACANTEIRA FEMININA E CALENDARIO DESTE DOMINGO, CO DÉPOR ABANCA B - REAL SOCIEDAD B NO DÉPOR TRAINING CENTER

Este sábado 4 de setembro arrincaron con vitoria a competición na Liga Galega o Orzán SD Cadete, o Orzán SD Infantil e o Orzán SD Infantil B fronte ao Rápido de Neda, CD As Pontes e UC Cee respectivamente.Ademais, o Orzán SD Sub-21 (na foto da noticia) gañou na Tercera Federación ao Sárdoma CF por 3-0 e sitúase con 4 puntos na zona media da táboa.Para o domingo 5 quedan dous encontros.Ás 16:00 na Torre, o Orzán SD Xuvenil mídese ao SCD Pastoriza na 3ª xornada da Primera Autonómica.O prato forte será no campo Arsenio Iglesias do Dépor Training Center. Ás 17:00 o Dépor ABANCA B mídese á Real Sociedad B na 5ª xornada en Segunda Federación.As branquiazuis, con 10 puntos, ocupan a 2ª posición a 2 puntos do liderado.O Club activou o protocolo de apertura con rexistro de asistentes do Dépor Training Center.Poden retirar entradas dispoñibles, até esgotar a bancada e sen ningún custo adicional, todos os socios e socias do RC Deportivo que o tramiten formalmente a través da web , na que deberán introducir a súa ID de socio e os 4 últimos números do DNI. A continuación, seleccionar unha localidade libre e posteriormente completar os seus datos de contacto e a dirección de correo electrónico onde recibir a entrada.Con eses mesmos datos doutras persoas socias, unha única pode retirar máis dunha entrada nunha soa xestión e, deste xeito, seleccionar asentos contiguos ou próximos.Este procedemento ten dous fins: poder solicitar e recibir a entrada e, ademais, levar un control de repartición e localización na instalación.Tamén está habilitado simultaneamente o sistema de venda de entradas para o público en xeral, a través da mesma plataforma en e seguindo o preceptivo sistema de rexistro e pago de localidade. O prezo de cada entrada para afeccionados sen carné do RC Deportivo é de 5 euros.O calendario de partidos, cos resultados dos xa xogados, é o seguinte:Segunda Federación5ª xornada: DEPORTIVO ABANCA B - REAL SOCIEDAD B, o domingo 5 de outubro ás 17:00 no campo Arsenio IglesiasTercera Federación3ª xornada: ORZÁN SD SUB-21 3 (Adelaida González, Claudia Sande e Daniela Macedo) - SÁRDOMA CF 0Primera Autonómica3ª xornada: ORZÁN SD XUVENIL - SCD PASTORIZA, o domingo 5 de outubro ás 16:00 na Torre (campo 2)Liga Galega cadete1ª xornada: SD RÁPIDO DE NEDA 0 - ORZÁN SD CADETE 10 (Sofía Asensio, Alba García -3-, Daniela Barbanzán -2-, Carolina Lago, Antía Losada, Aldara Ferreira e Nerea Cruz)Liga Galega infantilGrupo 1º, 1ª xornada: ORZÁN SD INFANTIL 9 (Zoe Mahía -2-, María López-Perales -2-, María Anastase -2-, Vera Melki, Candela Vázquez e Inés Neira) - CD AS PONTES 0Grupo 2º, 1ª xornada: UC CEE 1 - ORZÁN SD INFANTIL B 2 (Carmen Méndez -2-)