EMPATE NO ARSENIO IGLESIAS ENTRE UN FABRIL QUE "QUIXO IR POLA VITORIA EN TODO MOMENTO" E UN BARAKALDO CF QUE CONSIDERA O PUNTO "BOÍSIMO"

O Fabril e o Barakaldo CF empataron (2-2) no campo Arsenio Iglesias nun partido correspondente á 12ª xornada en Primera Federación.Con este resultado, o filial suma 12 puntos e sitúase na 18ª posición.Manuel Pablo subliña que "quixemos ir pola vitoria en todo momento. Cometemos erros e, coma sempre, prexudicáronnos moito".O seu colega no banco rival, Imanol de la Sota, cre pola contra que "o punto é boísimo".Foron baixa por lesión Álex Marqués, Dipanda, Jairo, Damián Canedo, Dani Estévez, Vergara e Manu Ferreiro, cunhas molestias nun adutor que o obrigaron a retirarse durante o partido ante o Arenas Club.Pola contra, o equipo branquiazul contou con todos os futbolistas na dinámica dun primeiro equipo sen competición esta fin de semana, caso de Noé, Kevin Sánchez, Rubén López e Martín Ochoa.Adiantouse axiña o Fabril no marcador. Noé conduce unha rápida transición, abre a Kevin, que entraba pola esquerda e cun tiro raso cruzado batía a Gaizka.Seguiu apertando o filial. Así, 3 minutos máis tarde, e tras unha longa xogada de ataque, Xabi Campos no segundo pau volea demasiado alto un balón que chegou centrado desde a banda dereita.Empatou o Barakaldo CF a balón parado no minuto 21. Nun córner sacado desde a banda esquerda, o ex deportivista Trigueros prolonga ao segundo pau de cabeza e Markel Ruiz, libre de marca, supera a Hugo Ríos."Ese gol fíxonos dano porque estabamos ben. Custounos despois volver ao partido", apuntou o adestrador do Fabril.Os vascos rozaron o segundo tanto aos 37 minutos cun remate a queimarroupa de Samu Calera que salvou Hugo Ríos na mesma liña de gol.Co 1-1 chegouse ao descanso.

Tras o paso polos vestiarios, concretamente no minuto 48, Kevin Sánchez probou fortuna desde fóra da área. O balón marchou lixeiramente desviado.Aos 64 minutos, Íker Gil, na boca do gol e con todo a favor, non logra empurrar á rede un centro xut raso de Kevin Sánchez."Cando volvemos ao partido volvemos cargar moito, a ter as nosas chegadas. Estabamos moi metidos e tivemos as nosas ocasións para adiantarnos", engadiu Manuel Pablo.Púxose o Barakaldo CF por diante aos 69 minutos nunha mala saída de balón fabrilista que acaba nun disparo ao pau dereito de Mateos. O rexeitamento empúrrao Mattheus á rede a pracer."Tivemos varios erros nos despexes, de deixar balóns moi curtos e metéronnos ese segundo gol", comentou o preparador fabrilista.E igualou Noé, o futbolista do partido, no minuto 88 cun tiro cruzado raso ao que non pode chegar Gaizka.O adestrador do Fabril afirma que "o seguimos intentando, coa enerxía que nos quedaba, cos cambios. Estabamos ben pero prexudícannos os erros", concluíu Manuel Pablo ante os medios.O encontro acabou con polémica pola actuación arbitral, ademais moi permisiva cos continuos agarróns e faltas cometidos polos futbolistas vascos.No desconto, Markel Ruiz derruba claramente a Martín Ochoa na área. O colexiado non sinala nada e, tras pasar pola pantalla a petición do Fabril, ratifica a súa decisión. Incomprensible porque a derruba é clara.Sen ampliar o tempo engadido a pesar dunha segunda revisión dunha falta no centro do campo que o Barakaldo CF cría que merecía o cartón vermello para o fabrilista, finalizou o encontro.O vindeiro domingo 22 de novembro o Fabril xoga de novo no campo Arsenio Iglesias, desta vez ante o CD Coria (16:00, Fan Play TV).Fabril: Hugo Ríos, Quique Teijo, Samu, Manu Serrano, Xabi Campos, Rubén López (Mauro Valeiro, min. 83), Yayo (Koke, min. 83), Adrián Guerrero (Mardones, min. 83), Kevin (Domínguez, min. 89), Noé e Íker Gil (Martín Ochoa, min. 63)Barakaldo CF: Gaizka, Zoilo, Marotías, Jon Cabo (Xemi, min. 57), Huidobro, Mattheus (Sola, min. 85), Trigueros, Ángel Troncho (Collado, min. 72), Badiolo (Mateos, min. 57), Samu Calera (Muguruza, min. 72) e Markel RuizÁrbitro: Marc Oltra, do comité catalán. Amoestou a Noé (min. 25), Kevin Sánchez (min. 35), Manu Serrano (min. 67), Markel Ruiz (min. 77), Xemi (min. 80), Mateos (min. 83) e Hugo Ríos xa co partido concluído.Goles: 1-0 Kevin (min. 13); 1-1 Markel Ruiz (min. 21); 1-2 Mattheus (min. 69); 2-2 Noé (min. 89)Incidencias: partido disputado no campo Arsenio Iglesias con bo ambiente