EN MARCHA 'FALAS DÉPOR' CUNHA INTENSA TARDE DE VENRES CO XORNALISMO E OS ÍDOLOS DE ONTE COMO PROTAGONISTAS

Xa está en marcha Falas Dépor, o foro que, desde este venres 13 ata este domingo 15 de novembro, reúne a protagonistas da historia do RC Deportivo e a destacadas voces do xornalismo, a literatura, o cinema e a música.Este venres 13 os protagonistas foron os ídolos de onte, como son Carlos Ballesta, Inma Castañón, Ramón Piña e Manolete.

E tamén o mundo do xornalismo.Analizouse a proxección do Club fóra de Galicia con Juan Ignacio Gallardo, director do diario Marca; e José Félix Díaz, director do Diario As (na foto principal da noticia).E os xornalistas Sara Gallego, Lucía Dávila, Silvia Carregal e Pedro J. Barreiros conversaron sobre 'o Deportivo é noticia: da Coruña para o Mundo’.

Este sábado 14 de novembro a axenda aprétase.Ás 10:00 en Espazo Avenida o protagonista será o cinema. "O Dépor foi actor secundario en moitas películas. Isto lembrarémolo co director de Cinemanía e autor do libro 'Fútbol y Cine' Carlos Marañón. Con el estarán Olga Osorio e o actor Tamar Nóvas, que fai de deportivista polo menos en 2 películas, segundo apuntou Rubén Ventureira, xornalista e historiador coruñés no acto de presentación de Falas Dépor.

A gaiteira internacional Susana Seivane, Gandy e Paco Lodeiro falarán sobre 'A Música do Fútbol' ás 12:00 en ABANCA Espacio Avenida.

Pechan a xornada ás 20:30 no Dépor Museo & Tour David Carabén e Javier Terenti que achegarán, xunto ao xornalista e historiador coruñés Lois Novo, "unha perspectiva comparada con outros clubs centenarios do fútbol español como o RCD Espanyol, o FC Barcelona e o Sevilla FC. Veñen representantes destes equipos e as súas experiencias permitirannos coñecer as distintas maneiras de documentar, conservar e divulgar a historia do deporte e do fútbol", explica Ventureira.

Xa o domingo 15, o Dépor e a literatura serán os protagonistas ás 10:00 en ABANCA Espacio Avenida con Xosé Hermida, Xesús Fraga e Enric González, "autor do libro marabilloso 'Historias del Calcio'", lembra Rubén Ventureira.

E completa o programa unha mesa integrada polos xogadores do Súper Dépor Manuel Pablo, Manjarín e Nando, ás 12:00 en ABANCA Espacio Avenida.Estarán representados o primeiro Súper Dépor, que case gaña a liga no 94 e gaña a liga no 95; e o segundo, que gaña a liga no 2000 e a Copa no 2002.

Totalmente gratuítoFalas Dépor é totalmente gratuíto e para apuntarse é necesario rexistrarse no apartado da web 'Cuenta' e despois anotarse na/s que interese/n. (pasos a seguir nas gráficas inferiores).