ÚLTIMO ADESTRAMENTO DO DÉPOR ESTE VENRES NO DÉPOR TRAINING CENTER ANTES DUNHA LONGA FIN DE SEMANA DE DESCANSO

O Dépor concluíu este venres 13 de novembro a semana de traballo sen competición ligueira debido aos compromisos das seleccións nacionais.Non estiveron os 5 internacionais (Nsongo Bil, Mella, Giménez, Amatucci e Lucas Noubi) nin tampouco fabrilistas, que si teñen partido de liga este sábado 14 de novembro ás 18:45 (TVG e Fan Play TV) no campo Arsenio Iglesias ante o Barakaldo CF e, por conseguinte, adestraranse esta tarde ás ordes de Manuel Pablo.A maiores, Bright Ede e Zakaria Eddahchouri realizaron adestramento personalizado.

O corpo técnico dispuxo, tras unha activación con rondos, unha tarefa de posesión e un exercicio de finalizacións.Haberá descanso para o cadro de xogadores ata o martes 17 de novembro, día no que Os Nosos regresan ao Dépor Training Center para, a partir das 10:30, comezar a preparar a seguinte cita ligueira, a visita ao Deportivo Alavés prevista para o sábado 21 de novembro ás 14:00 (Movistar LaLiga) en Mendizorroza.