Antonio Hidalgo advertiu na sala de prensa do Dépor Training Center que na Segunda División "a diferenza de puntos non é tan grande. Na parte arriba estamos en 3, 4 puntos. Se miras cara abaixo a diferenza tampouco é tanta, con xogadores que levan moito tempo xogando na categoría e todo se iguala moitísimo. Isto vai de detalles, de estar concentrados ao mil por mil, de competir ao máximo, saber o nivel de sufrimento que non podes baixar nin un milímetro nesta categoría e estar preparados para o partido que nos vén".
Do Málaga CF, rival este domingo 12 de outubro ás 21:00 horas en La Rosaleda (LaLiga TV Hypermotion e Fútbol 2, dispoñible en DIGI TV e outras plataformas), lembra que "estiven 3 anos no Club, na cidade, sei como sente, como vive o estadio. La Rosaleda vai empuxar moitísimo. Están nun momento de necesidade e cando iso pasa o estadio sempre responde. Ten un gran adestrador, que traballa moitísimo, cunha bagaxe desde que está no Club, sacando a moita xente da canteira e dándolle matices ao xogo".
Por conseguinte, vaticina "un partido moi igualado da categoría, que se vai a definir nos diferentes detalles".
Ten claro que "en momentos de dificultade La Rosaleda empuxa moitísimo. Temos un plan de partido que imos levar a cabo independentemente do estadio". "Van saír con todo, a matar desde o primeiro minuto. Van ter un plan ben traballado e vannos a pór en moitos apuros. Nós o mesmo cara a eles. Vaise a ver un partido moi competido con dous equipos que van querer ir a por a vitoria desde o primeiro minuto", engadiu.
Insiste o técnico deportivista na necesidade de "competir sempre nese nivel de esixencia e nos momentos de sufrir, sufrilos".
