O RC Deportivo pechou o proceso de cambios de localidade cun total de 28.200 abonados, distribuídos da seguinte maneira: 26.486 con asento, 1.334 Soci@s Amig@s e 380 Nen@s Dépor.
A partir deste luns 18 de agosto, e ata o venres 22 de agosto, o Club abre un prazo excepcional para que tanto Soci@s Amig@s como Nen@s Dépor poidan pasar a ser abonados con asento. O límite máximo fíxase en 28.000 abonos con asento, o que supón 500 máis que a tempada pasada.
O trámite deberá realizarse de forma presencial na Oficina de Atención ao Deportivismo (Avenida de La Habana s/n, A Coruña), por estrita orde de chegada e sempre en función das bancadas dispoñibles.
Actualmente, hai localidades en:
• Tribuna Superior
• Tribuna Inferior
• Preferencia Superior
Mentres que xa están esgotadas:
• Marathón Inferior
• Marathón Superior
• Preferencia Inferior
• Pavillón Superior
• Pavillón Inferior
O horario da Oficina de Atención ao Deportivismo é de luns a venres, de 10:00 a 13:30 e de 16:30 a 19:00 horas.
