Unha choiva persistente acompañou este xoves 5 de marzo ao adestramento do Dépor no Dépor Training Center.
Adrià Altimira asegurou en rolda de prensa que "traballamos día a día para tentar facelo o mellor posible. Cada partido hai cousas que puír, que podemos ser mellores. Hai outras cousas que estamos a facer moi ben".
O lateral deportivista insiste en "mellorar eses pequenos detalles" aínda que lembra que "imos sumando de 3 e aos poucos iranse minimizando eses erros e irase vendo unha mellor versión do equipo".
O corpo técnico dispuxo, após unha activación, un xogo de posición, unha tarefa táctica e un partido en espazos amplos xa coa mente posta na visita do Granada CF a ABANCA-RIAZOR deste domingo 8 de marzo ás 21:00 horas (LaLiga TV Hypermotion e Fútbol 2, dispoñible en DIGI TV e outras plataformas).
Yeremay foi o único futbolista á marxe do grupo.
Altimira apuntou sobre o canteirán que "está a traballar para mellorar. Estamos a desexar que estea connosco. Esperemos que canto antes poida estar dispoñible. Así o será".
Noé, Bil e Mane foron os representantes de ANOSACANTEIRA ás ordes de Antonio Hidalgo.
Este venres 6 de marzo o Dépor adestrarase de novo a partir das 10:30 no Dépor Training Center.