Álvaro Fernández Llorente (Arnedo, La Rioja, 13 de abril de 1998), coñecido futbolisticamente como Ferllo, chegou ao RC Deportivo no mercado de inverno da tempada 25/26, procedente do Sevilla FC de LaLiga EA Sports. Antes de recalar no club hispalense, Álvaro Fernández militou en clubs como o RCD Espanyol, a SD Huesca ou o Brentford inglés. Antes da súa chegada ao RC Deportivo, sumaba 43 partidos en LaLiga EA Sports, 12 na Premier League e 95 en LaLiga Hypermotion; ademais de 4 partidos na Copa do Rey. É internacional sub-19, sub-21 e sub-23; e chegou a debutar coa selección española absoluta, con Luis de la Fuente como seleccionador, o 8 de xuño de 2021 nun amigable ante Lituania. Foi titular e España gañou 4-0.