AS NOSAS CONCLUÍRON ESTE SÁBADO 22 DE AGOSTO A ÚLTIMA SEMANA DE PRETEMPORADA ANTES DE COMEZAR "MOI ILUSIONADAS" A LIGA

Cun último adestramento no campo de herba sintética de Abegondo, o Dépor ABANCA puxo fin este sábado 22 de agosto á pretemporada.Alberto Rodríguez, técnico deportivista, concedeu este domingo 23 e luns 24 de agosto descanso ás súas futbolistas antes de comezar o martes 25 ás 11:00 a preparar o primeiro partido de liga, o sábado 29 de agosto ás 12:00 (Dazn, Teledeporte e RTVE Play) ante o Sevilla FC en ABANCA-RIAZOR.

Lucía Rivas confesou en Portugal ao concluír o último amigable de preparación que "estamos todas moi ilusionadas. Xogar en ABANCA-RIAZOR é súper bonito. Comezamos a temporada con moita ilusión, con moitas ganas".Advirte, non obstante, que o Sevilla FC "é un gran rival, pero estamos máis que preparadas para gañarlles".A internacional deportivista quixo tamén "animar a todo o mundo a que veña a ABANCA-RIAZOR" nesta primeira cita da Liga F.