NSONGO BIL E PAULA GUTIÉRREZ RECIBIRON O PREMIO ESTRELLA GALICIA AO MELLOR XOGADOR DO MES DE ABRIL

Nsongo Bil (Youndé, Camerún, 21 de setembro de 2004) e Paula Gutiérrez Caballero (Viladecans, Barcelona, 2 de marzo de 2001), esta por segunda vez, recolleron este mércores 13 de maio na sala de prensa do Dépor Training Center, de mans de Gustavo Galván, promotor de Estrella Galicia, o premio ao xogador Estrella Galicia do mes de abril polas súas actuacións nos partidos de liga ante o Málaga CF, SD Huesca, CD Mirandés e Burgos CF no caso de Nsongo Bil; e Atlético de Madrid e Alhama CF no caso de Paula Gutiérrez.A terna de finalistas elixidos polos medios de comunicación que cobren a diario a información dos dous equipos blanquiazules foi a formada por Nsongo Bil, Mario Soriano e Adrià Altimira no caso do Dépor; e Paula Gutiérrez, Olaya Rodríguez e Bárbara Latorre no caso do Dépor ABANCA.

Nas votacións finais a cargo de #ANOSAFORZA a través das redes sociais do Club, Nsongo Bil foi o elixido no primeiro equipo masculino co 55,5% dos votos da afección, por diante do 33,1% de Mario Soriano e do 11,5% de Altimira. No apartado feminino, Paula Gutiérrez impúxose co 49,3% por 30,7% de Olaya e 20% de Bárbara.Ambas futbolistas deron as grazas a Estrella Galicia e á afección por este recoñecemento. "Moitas grazas a Estrella Galicia e á xente que vota por este premio", apuntou Paula Gutiérrez. "Grazas a Estrella Galicia e á xente. Doulle as grazas ao equipo porque é un premio de todos", afirmou Nsongo Bil.