O DÉPOR ACELERA A PREPARACIÓN DO PARTIDO ANTE O FC ANDORRA APOIADO NA PROFUNDIDADE DE CADRO

O Dépor acelera a preparación do partido deste domingo 17 de maio ás 14:00 (LaLiga TV Hypermotion) en ABANCA-RIAZOR ante o FC Andorra, correspondente á 40ª xornada en LaLiga Hypermotion.E faino apoiado na profundidade do seu cadro. Os datos así o avalan.Con 15 puntos, Os Nosos son o equipo da categoría con maior impacto competitivo directo desde o banco. Non en volume, xa que é o 5º en goles de suplentes, pero lidera en relevancia.É dicir, os goles que chegan desde o banco non son para ampliar vantaxes, son para cambiar a dinámica do marcador.En segunda posición marchan o CD Castellón e o Córdoba CF, ambos con 14 puntos despois de 18 e 13 goles respectivamente.

Antonio Hidalgo dispuxo unha activación, un xogo de posición con porterías pequenas, unha tarefa táctica e series de partidos en espazo reducido, de alta intensidade.Durante a sesión, o equipo recibiu a noticia da resolución do Comité de Disciplina, que estimou as alegacións formuladas polo RC Deportivo, que deixa sen efectos disciplinarios a amonestación que Yeremay viu no JP Financial Estadio de Cádiz, así como todas as consecuencias derivadas da mesma.En consecuencia, o canteirán tamén está á disposición de Antonio Hidalgo este domingo 17 de maio.Bil, Noé e o gardameta Álex Marqués foron os representantes de ANOSACANTEIRA.Este xoves 14 de maio Os Nosos adéstranse de novo no Dépor Training Center a partir das 10:30.