PAULA GUTIÉRREZ: "PODEMOS ESCALAR POSICIÓNS E O EQUIPO ESTÁ CENTRADO NISO"

Paula Gutiérrez admitiu na sala de prensa do Dépor Training Center que «xa non nos xogamos nada pero podemos escalar posicións e o equipo está centrado niso».Gañadora do Premio Estrella á mellor xogadora do Dépor ABANCA no mes de abril, asegura que o equipo afronta os 2 últimos partidos de Liga F «coas mesmas ganas de sempre. Adestramos cada día para que, cando chegue o partido da fin de semana, poidamos gañar eses 3 puntos. Estamos con moitas ganas neste treito final».A centrocampista blanquiazul defende que «a futbolista cando sae xogar quere competir e gañar. Hai que centrarnos niso. A ninguén lle gusta perder. Todas somos moi competitivas, entón sempre estamos motivadas para tentar sacar os 3 puntos».Finalmente, Paula Gutiérrez anima «a todo o mundo a que veña a ese último partido en ABANCA-RIAZOR (o mércores 27 de maio ás 21:00 horas ante o RCD Espanyol) porque vai haber ese factor emocional. Todas as que estamos, sigamos ou non sigamos, merecemos despedirnos ben; e tamén para pechar unha tempada de todos os partidos en ABANCA-RIAZOR».