O RC DEPORTIVO ACTIVA A PRERRESERVA DE ENTRADAS PARA A VISITA AO REAL VALLADOLID CF DO DOMINGO 24 DE MAIO ÁS 18:30

O RC Deportivo habilita a prerreserva de entradas para o partido do domingo 24 de maio ás 18:30 horas no Estadio José Zorrilla ante o Real Valladolid CF, correspondente á 41ª xornada de LaLiga Hypermotion.O conxunto pucelano puxo á disposición do RC Deportivo un total de 594 entradas, das cales o 40% serán xestionadas e vendidas pola Federación de Peñas (238), e o resto a través do Club (356).As localidades, limitadas a 2 por abonado, teñen un prezo de 25 euros.Para realizar a xestión, o abonado deberá acceder á web reservas.rcdeportivo.es.A prerreserva poderá realizarse desde a publicación desta nota ata o sábado 16 de maio ás 21:00 horas.No caso de que houbese máis abonados en prerreserva que entradas dispoñibles, realizarase un sorteo, cuxo resultado se lles comunicará aos abonados agraciados o luns 18 de maio; e notificaráselles a forma de pago e como recibir as entradas.As localidades que non fosen retiradas o martes 19 de maio ás 18:00 horas serán asignadas aos suplentes que se designen, así mesmo, no sorteo realizado.O prazo límite para a retirada das entradas será o mércores 20 de maio ás 18:00.En consecuencia, non haberá venda física de entradas na OAD para este encontro.Será obrigatorio presentar o abono e o DNI do abonado.