O DÉPOR ABANCA B ARRANCA A LIGA EN SEGUNDA FEDERACIÓN COA VISITA AO FUNDACIÓN RAYO VALLECANO ESTE DOMINGO 6 DE SETEMBRO ÁS 12:30

O Deportivo ABANCA B inicia a liga en Segunda Federación coa visita ao Fundación Rayo Vallecano, un histórico do fútbol feminino español con 3 títulos de liga de Primera División e 1 Copa de la Reina nas súas vitrinas.O encontro disputarase este domingo 6 de setembro ás 12:30 na Ciudad Deportiva Fundación Rayo Vallecano.As Nosas chegan ao choque despois dunha gran pretemporada, na que derrotaron o Real Oviedo (0-1), o Victoria CF (3-2) e o Real Avilés Industrial (0-3); ademais de proclamárense subcampioas do Torneo Unindo Camiños en Santiago de Compostela, só superadas polo Sport Extremadura de Primera Federación.O balance goleador do equipo que prepara Aitor é satisfactorio, con 13 goles a favor e 5 en contra.Sara Barreda e Tubío foron as pichichis do verán, con 2 goles cada unha. Tamén marcaron Marta Rico, Noe Mayo, Adelaida, Karla, Valbuena, Sara Prego, Azucena e Carmen, o que demostra o potencial ofensivo do equipo.Aitana Ruda, Elsa Ayats, Sara Prego e Antía Mayo, ademais de Karla Bermejo, que xa estivo cedida na segunda parte da temporada pasada, foron os reforzos do Deportivo ABANCA B de cara a esta segunda temporada na Segunda Federación.