O DÉPOR COMPLETA A SÚA PRIMEIRA XORNADA DE DOBRE SESIÓN DA PRETEMPORADA

O cadro do Dépor completou este xoves 9 de xullo a súa primeira xornada de dobre sesión de traballo da pretemporada, nun día de máxima esixencia física no Dépor Training Center.Os futbolistas branquiazuis iniciaron a actividade ás 8:30 da mañá coa súa chegada paulatina á cidade deportiva e non deron por concluída a xornada ata pasadas as 20:30 horas, preto de doce horas despois.Entre ambas sesións de adestramento, desenvolvidas nos campos 2 e 3 do Dépor Training Center, o cadro completou o programa previsto polo corpo técnico, que incluíu o almorzo e o xantar nas instalacións do Club, ademais dos habituais tempos de recuperación e preparación entre exercicios.A intensa xornada supón un novo paso na posta a punto do equipo durante as primeiras semanas de preparación, co obxectivo de seguir acumulando carga de traballo de cara ao inicio da temporada 2026-27.Na sesión de tarde colleu as rendas Antonio Hidalgo cun exercicio táctico e un partido tras unha activación e un rondo. O técnico comeza a debuxar o seu Dépor na Primera División.

Pola mañá, os protagonistas foron un circuíto físico con finalizacións e un xogo de posición.A novidade foi a presenza no Dépor Training Center de Lorenzo Amatucci, oficializado o seu fichaxe polo RC Deportivo ata 2031 a primeira hora da mañá.

O novo centrocampista italiano foi un máis xa cos seus novos compañeiros.David Mella, Yeremay e Loureiro tiveron adestramento personalizado; mentres que Nsongo Bil, Noé, Kevin Sánchez, Samu Fernández e Xabi Campos foron os representantes de ANOSACANTEIRA.Este venres, Os Nosos adestraranse de novo no Dépor Training Center a partir das 10:30.