DOUS GRANDES CLUBS DE RENOME MUNDIAL, REAL MADRID CF E FC PORTO, PROTAGONISTAS XUNTO CO RC DEPORTIVO DO TROFEO TERESA HERRERA 2026

O Deportivo e o Real Madrid no apartado masculino; e Dépor ABANCA e o FC Porto luso no feminino conforman o cartel da presente edición do Trofeo Teresa Herrera que se disputará no Estadio ABANCA-RIAZOR.O mércores 12 de agosto ás 21:00 xogarase a final masculina e o xoves 13 ás 17:00, a feminina.O decano dos torneos de verán, que este ano cumpre a súa LXXXI edición, mantén o formato de partido único.O Deportivo, que tradicionalmente aproveita o Trofeo Teresa Herrera como posta de longo ante #ANOSAFORZA, mídese nesta edición ao Real Madrid CF, un dos grandes clubs do fútbol mundial.A XIV edición feminina do Trofeo Teresa Herrera terá como protagonistas o Dépor ABANCA e o FC Porto da Primeira División de Portugal.O Dépor é o rei do Teresa Herrera masculino cun total de 26 trofeos nas vitrinas por 9 do segundo clasificado, precisamente o Real Madrid CF.En categoría feminina, o Dépor ABANCA posúe 5 'Torres' ademais de 1 conquistada polo Deportivo ABANCA B na edición de 2020.A organización do Teresa Herrera forma parte do acordo de colaboración entre o Concello e o Club.O trofeo é o torneo de fútbol amigable de carácter anual máis lonxevo do mundo.