O DÉPOR REGRESA O 29 DE XULLO A VILALBA PARA MEDIRSE AO CD LUGO NUN REENCONTRO COA TRADICIÓN DO VERÁN BRANQUIAZUL

Hai lugares que forman parte da historia das pretempadas do Deportivo. Campos que, verán tras verán, viron a Os Nosos dar os seus primeiros pasos antes do inicio dunha nova temporada.Un deles é A Magdalena, en Vilalba, onde o conxunto branquiazul volverá sentirse como na casa.O vindeiro 29 de xullo, ás 19:30 horas, o Dépor regresará a un escenario moi especial para ANOSAFORZA, recuperando unha cita que se converteu nun clásico do calendario estival e que sempre contou cunha magnífica acollida por parte do deportivismo.Nesta ocasión, o rival será o CD Lugo de Primera Federación, nun encontro que substitúe ao tradicional duelo fronte ao Racing Villalbés e que suporá unha nova proba para o conxunto de Antonio Hidalgo na súa preparación.Será unha nova oportunidade para que o deportivismo volva reunirse en Vilalba, unha localidade que sempre recibiu o RC Deportivo cos brazos abertos e onde o sentimento branquiazul se vive cunha intensidade especial.O de Vilalba convértese no 4º amigable xa confirmado tras os dous previstos en Italia e o do Carlos Tartiere fronte ao Real Oviedo.Así pois, o calendario de pretemporada xa confirmado do Deportivo é o seguinte:Real Oviedo - Deportivo, o sábado 25 de xullo ás 19:30 no Estadio Carlos Tartiere (Oviedo)Deportivo - CD Lugo, o mércores 29 de xullo ás 19:30 en A Magdalena (Vilalba)ACF Fiorentina - Deportivo, o xoves 6 de agosto ás 20:00 no Stadio Curva Fiesole, na cidade deportiva da ACF FiorentinaGenoa CFC - Deportivo, o sábado 8 de agosto no Stadio Luigi Ferraris, en horario pendente de confirmación