O DÉPOR FAISE CO TROFEO SPAGNOLO AO DERROTAR O GENOA CFC NO ESTADIO LUIGI FERRARIS

O Dépor concluíu a xira por Alemaña e Italia este sábado 8 de agosto ante o Genoa AFC da Serie A italiana, coa 16ª edición do Trofeo Spagnolo en xogo.O encontro, retransmitido en directo pola canle oficial de YouTube do RC Deportivo, xogouse no Stadio Luigi Ferraris.Venceron os branquiazuis, superiores sobre todo na segunda metade, grazas a un gol de Kevin no minuto 82.A novidade da tarde foi o debut de Angeliño no lateral esquerdo e a presenza na convocatoria de Loureiro e Mella, que xogaron na segunda metade.Antonio Hidalgo apostou por Leo Román na portería; con Bil e Aubameyang no ataque.A sala de máquinas foi para Mario Soriano e Amatucci; con Villares por un costado e Noé polo outro.Non participaron Altimira e Asp Jensen, que se adestran cada día co readaptador, Nando Rodríguez.Ademais, Yeremay entrou tamén na fase final da súa recuperación.Pola súa banda, o Genoa CFC, décimo sexto a temporada pasada na liga, disputou ante o Dépor o seu 5º partido amigable nesta pretempada.Anteriormente, os xenoveses venceran ao AC Trento de Serie C (2-1) e ao Leicester City FC da terceira división inglesa (0-1); empataran coa LR Vicenza da Serie B italiana (2-2); e caeron co AFC Bournemouth de Premier League (10-1).O partido arrancou cun intercambio de golpes aínda que sen grandes ocasións nas dúas áreas.Pasado o cuarto de hora, Lucas Noubi, hoxe de lateral dereito, marcha do seu par, gaña liña de fondo pero o seu centro raso ao corazón da área non atopa rematador.Xusto antes da pausa de hidratación, máis necesaria ca nunca pola intensa calor, Ellertson, libre de marca, pesca un balón ao bordo da área tras un saque de esquina pero o seu disparo marcha alto.Respondeu o Dépor cun balón ás costas da defensa xenovesa que gaña Aubameyang. O ariete deportivista marcha do meta Bijlow pero queda sen ángulo de disparo e o seu pase ao centro sácao a defensa italiana.A primeira parte concluíu cun cabezazo de Bil a centro desde a dereita de Mario Soriano que non colleu portería por moi pouco.

Tras o paso polos vestiarios, Mella e Loureiro substituíron a Noubi e Noé.O primeiro disparo da segunda metade, a cargo de Otoa, chegou aos 50 minutos. Leo Román sacou a córner.Mella puido anotar no 59 ao recibir un balón longo. O canteirán controla ben na área pero o meta xenovés Bijlow gáñalle no man a man.Pouco despois, Villares recibe desde a esquerda na área pero, en posición forzada, remata alto ao bordo da área pequena.A recta final encarouna o Dépor só con Leo Román como futbolista desde o inicio.Así, tiveron minutos Ximo Navarro, Samu, Bright Ede, Riki, Gijselhart, Luismi e Kevin.Precisamente Kevin adiantou ao Dépor no minuto 82. Eddahchouri escápase en velocidade da defensa do Genoa CFC e cede ao centro para que o canteirán, libre de marca, supere a Bijlow.O burgalés puido anotar o segundo pero xa no desconto, o seu remate a media volta na área marchouse rozando o pau esquerdo da meta xenovesa.Con 0-1 e sendo superiores Os Nosos concluíu a 16ª edición do Trofeo Spagnolo.Genoa CFC: Bijlow, Mitaj (Doumbia, min. 83), Amorim (Wiafe, min. 83), Baldanzi (Puczka, min. 76), Vitinha, Sabelli (Colombo, min. 60), Vasquez (Martín, min. 76), Marcandalli, Frendrup (Messias, min. 60), Otoa e EllertsonDeportivo: Leo Román, Lucas Noubi (Loureiro, min. 46 e Ximo Navarro, min. 67), Arnau (Samu, min. 67), Dani Barcia (Bright Ede, min. 67), Angeliño (Quagliata, min. 60), Amatucci (Riki, min. 67), Mario Soriano (Gijselhart, min. 67), Villares (Luismi, min. 67), Noé (Mella, min. 46), Bil (Kevin, min. 67) e Aubameyang (Eddahchouri, min. 60)Árbitro: Gauzolino, italiano. Amonestou Lucas Noubi (min. 33), Arnau Comas (min. 40), Amatucci (min. 49)Goles: 0-1 Kevin (min. 82)Incidencias: partido disputado no Estadio Luigi Ferraris de Xénova