O DÉPORCAMPUS MARÍN ACADA ESTE ANO 2026 A SÚA TERCEIRA EDICIÓN

O DéporCampus Marín alcanza este ano 2026 a súa 3ª edición, en colaboración coa Escola de Fútbol Villa de Marín.O acto de presentación tivo lugar no campo de fútbol Municipal de San Pedro e asistiron Jorge Sobral, directivo do EF Villa de Marín; Francisco José García, presidente do EF Villa de Marín; Antonio Trabazo, concelleiro de deportes do Concello de Marín; Antonio Caiña, concelleiro de deportes; Óscar Maceiras Domínguez, coordinador de campo da actividade; e Sergio Maurente Brañas, coordinador dos DéporCampus.A actividade desenvolverase do luns 27 de xullo ao venres 31 de xullo en horario de 10:00 a 14:00; e está dirixida a nenos e nenas entre 6 e 14 anos (nados entre 2020 e 2012, ambos incluídos) con independencia do seu nivel de práctica ou experiencia.Os adestradores e adestradoras da canteira do RC Deportivo levarán a Marín a metodoloxía de adestramento que os equipos de base realizan no Dépor Training Center.Os obxectivos son os seguintes:-Aprender e desenvolver a coordinación a través de xogos coordinativos.-Aprender as habilidades e conceptos na relación co corpo.-Aprender as habilidades e conceptos na relación co balón.-Traballar os fundamentos técnico-tácticos cunha metodoloxía analítica.-Competir e gozar mediante partidos en diferentes espazos.-Transmitir os valores que representa o Dépor: RESPECTO, SOLIDARIEDADE, AMIZADE, XOGO LIMPO, INTEGRACIÓN, ESFORZO E FELICIDADE.Para as inscricións e máis información hai que premer neste enlace.