O RC DEPORTIVO, ELIXIDO CLUB DO MES DE LALIGA EN COMUNICACIÓN

O RC Deportivo foi recoñecido por LaLiga como Club do Mes de xuño en Comunicación, un galardón que distingue a capacidade do club para desenvolver estratexias comunicativas que transcenden a actualidade deportiva e proxectan a entidade desde ámbitos como a innovación, o negocio, o desenvolvemento institucional ou o impacto social.LaLiga destaca especialmente a habilidade do Dépor para converter un mesmo proxecto en diferentes historias de interese, adaptando mensaxes, canles e voceiros a cada audiencia para maximizar o seu impacto mediático.Entre os casos máis destacados atópase a nova tenda oficial do club, cuxa estratexia de comunicación permitiu xerar cobertura en medios especializados en tecnoloxía, márketing e negocio grazas a unha planificación baseada en distintos enfoques informativos e na especialización dos seus voceiros.Así mesmo, proxectos como o Dépor Training Center, Dépor Dixital 2026 ou o Dépor Museo & Tour lograron ampliar o posicionamento do club en medios especializados máis alá do ámbito deportivo.Este recoñecemento pon en valor o traballo do departamento de comunicación do RC Deportivo e a súa aposta por unha estratexia 360º capaz de reforzar a imaxe e o posicionamento da entidade perante públicos diversos.