ENCONTRO DO CLUB DE EMPRESAS DO RC DEPORTIVO E DO CD LEGANÉS CON MOTIVO DO PARTIDO DE LIGA DO PASADO VENRES 1 DE MAIO EN ABANCA-RIAZOR

O Club de Empresas do RC Deportivo e do CD Leganés celebraron o pasado venres 1 de maio en ABANCA-RIAZOR un encontro conxunto que reuniu máis de 70 empresarios de ambas entidades, co obxectivo de fortalecer relacións, xerar oportunidades de negocio e compartir experiencias nun entorno vencellado ao deporte profesional.A xornada estivo marcada por unha dinámica de networking deseñada para fomentar a interacción entre os asistentes, facilitando o coñecemento mutuo e a detección de posibles sinerxías entre as empresas participantes.Este tipo de iniciativas reforzan o papel dos clubs de empresas como plataformas estratéxicas para o desenvolvemento empresarial.

Ademais, as persoas asistentes tiveron a oportunidade de coñecer as novas zonas recentemente reformadas do estadio, poñendo en valor a aposta do club por mellorar a experiencia tanto das empresas como da afección.Un dos momentos máis destacados do encontro foi a posibilidade de presenciar desde a bancada a chegada do Deportivo, unha experiencia que permitiu ás persoas convidadas vivir de preto a emoción do fútbol profesional e reforzar o vínculo entre o ámbito empresarial e o deportivo.Desde ambas entidades subliñouse a importancia deste tipo de encontros, que non só impulsan o networking, senón que tamén consolidan a relación entre clubes e empresas, xerando un ecosistema de colaboración e crecemento conxunto.Este evento supón un novo paso na consolidación dos clubes de empresas do CD Leganés e o RC Deportivo como espazos de referencia para o tecido empresarial vencellado ao deporte.