
DÉPOR ABANCA B · 18 XULLO 2026
KARLA BERMEJO REFORZA A DIANTEIRA DO DÉPOR ABANCA B
O Dépor ABANCA B seguirá contando con Karla Bermejo Matos (Barcelona, 7 de agosto de 2005), que asina co RC Deportivo até xuño de 2028, con opción de ampliar a súa vinculación co Club.A atacante chegou ao conxunto branquiazul o pasado mes de xaneiro, cedida polo Racing Power da Primera División portuguesa, e tivo un papel determinante na permanencia do filial en Segunda Federación.En apenas media temporada, Karla Bermejo disputou 11 partidos, 10 deles como titular, e asinou uns rexistros goleadores excelentes ao anotar 9 tantos, converténdose nunha das pezas chave do equipo no treito decisivo do campionato.Formada nas categorías inferiores do Son Sardina, a dianteira debutou co primeiro equipo do conxunto balear con tan só 15 anos, confirmando desde moi nova o seu talento e capacidade goleadora.

A súa proxección quedou patente na temporada 2020-21, cando se converteu na máxima goleadora das tres primeiras categorías estatais, cun total de 31 goles.Ademais, Karla Bermejo foi internacional coa selección española nas categorías sub-16, sub-17 e sub-19, acumulando experiencia no fútbol formativo de máximo nivel.Tras o seu destacado rendemento desde a súa chegada ao Club, o RC Deportivo aposta pola continuidade dunha futbolista nova, con gran proxección e olfacto goleador, que seguirá reforzando o ataque do Dépor ABANCA B.


José María Giménez, con Uruguai, recibe en Maldonado á Repúbl...

Os abonados e abonadas xa poden retirar o seu convite obrigat...

Semana do Dépor co regreso progresivo dos internacionais e co...

¡QUENTA, QUE SAES!, celebra o noso 120 aniversario xogando en...

Novo partido do Dépor o sábado ás 14:00, desta vez o 5 de dec...

O Dépor ABANCA B suma 1 punto sen 6 das súas titulares e aume...