MIGUEL FIGUEIRA: "CANTO MENOS O EMPATE ERA O MERECIDO"

Miguel Figueira dixo ao concluír o encontro de Copa do Xuvenil A no Anxo Carro ante o FC Barcelona que descoñecía "se fomos mellores ou non pero estaba tranquilo porque vía que o equipo tiña claro ao que tiña que xogar. O único pero que podo pór son os 3 goles encaixados".Cre precisamente que eses tantos recibidos polo conxunto branquiazul "forman parte desa inocencia, desa mocidade. E tamén eles teñen capacidade para facer dano. Canto menos o empate era o merecido", concluíu.Nesta liña, subliña que "fixemos moitas cousas ben" e que houbo "dous equipos moi bos. Un ten un potencial brutal. Nós igualamos o seu xogo interior. Fomos capaces de superalos, cortamos as súas combinacións. En ningún momento estiveron cómodos".