NOÉ CARRILLO: "TIVEN MOI CLARO QUE QUERÍA QUEDAR AQUÍ DENDE O PRIMEIRO MOMENTO"

Noé Carrillo manifestou este mércores 6 de maio na sala de prensa do Dépor Training Center que esta semana, despois do seu gol decisivo en ABANCA-RIAZOR e da súa renovación, "foi moi bonita para min. Levo traballando moito para estes momentos e estou moi contento sobre todo por axudar o equipo a sumar outros 3. Agora a seguir".En dinámica do primeiro equipo, cre que "é un privilexio adestrar con xente de tanto nivel. Sempre fai que mellores como futbolista, sempre che esixe un plus; e aí é onde buscas a mellora".O fabrilista fíxase "moito nos veteranos non só no campo senón en como se comportan. A min axúdanme moito a non sentir tanta presión. Fíxome moito en Jose Ángel, Villares e en Escudero".O centrocampista santiagués desvela que na súa renovación "estivemos falando despois de novembro. Xa estaba todo pechado hai bastante. Pechouse agora. Eu tiven moi claro que me quería quedar aquí desde o primeiro momento. Estou moi contento por poder estar aquí máis anos".Non oculta a súa satisfacción polo ascenso do Fabril, que "estar un Primera RFEF un filial é algo importante para o Club" e sinala que esta tempada foi para el "de moito crecemento. Estou aprendendo a competir moito mellor, a gañar duelos. É un ano de moito aprendizaxe e polo de agora está saíndo todo moi ben".Finalmente Noé confesa que ao marcar o tanto ante o CD Leganés que valeu o triunfo "non mo cría porque era a primeira bola que tocaba. Pensei despois da celebración na miña nai, que xusto veu ao campo ese día. A última vez que non marcara (ante o RCD Mallorca en Copa) non o puido ver en ABANCA-RIAZOR".