NOVA E ESIXENTE SESIÓN DE PRETEMPORADA PARA OS NOSOS, QUE «CHEGARON A UN NIVEL MOI ALTO»

O Deportivo completou este mércores 15 de xullo unha nova sesión de traballo rumbo ao primeiro test do verán, este sábado 18 de xullo ás 20:00 horas (canle de Youtube do RC Deportivo), no Estadio Vero Boquete ante a SD Compostela de Segunda Federación.Fernando Soriano advertiu onte na sala de prensa que "os partidos de pretemporada son moi importantes. Ás veces non se lles dá a importancia necesaria pero moitas das decisións tómanse por este primeiro mes".O Director de Fútbol blanquiazul sostén que Os Nosos "tomaron conciencia diso e viñeron a un nivel moi alto".Nunha mañá calorosa, Antonio Hidalgo dispuxo, tras unha activación, unha tarefa táctica e fútbol reducido, de alta intensidade.

Yeremay, que xa realiza tarefas no campo, Loureiro e Mella están con adestramento personalizado.Bil, Noé, Samu, Kevin Sánchez e Xabi Campos foron os representantes de ANOSACANTEIRA. Fernando Soriano revelou sobre este último que "está francamente ben. O míster coñecíao, pero coñecíao pouco. E está moi sorprendido".Este xoves 16 de xullo o Dépor adestrarase de novo a partir das 10:30 no Dépor Training Center.