O Real Club Deportivo alcanzou un acordo co central Lucas Dominique Noubi Ngnokam (Mouscron, Bélxica, 15 de xaneiro de 2005), coñecido futbolísticamente como Lucas Noubi, para que se converta na primeira fichaxe branquiazul da temporada 2025-26.
De nacionalidade belga e camerunesa, firma co RC Deportivo até xuño de 2029.
Lucas Noubi é un dos defensas con maior proxección do fútbol europeo. Formado nas categorías inferiores do Standard de Lieja, debutou co primeiro equipo con 17 anos (o 13 de marzo de 2022), acumulando experiencia tanto na Jupiler Pro League (Primera División) con 31 partidos así como na Challenger Pro League (Segunda División) con 22 partidos; así como nas competicións internacionais coas categorías inferiores da selección belga, desde a sub-15 á sub-21.
Con 1,86 metros de altura, destaca pola súa impoñente presenza física, boa saída de balón e capacidade para anticiparse no xogo defensivo. A súa mocidade, carácter competitivo e experiencia no fútbol profesional encaixan á perfección co proxecto do RC Deportivo.
Lucas Noubi será presentado oficialmente a próxima semana no Estadio ABANCA-RIAZOR.
