BRILLANTE INICIO DE LIGA DO DÉPOR ABANCA B, CON GOLEADA Á FUNDACIÓN RAYO VALLECANO E LIDERADO DA SEGUNDA FEDERACIÓN

O Deportivo ABANCA B iniciou de maneira brillante a liga en Segunda Federación cunha goleada por 0-5 á Fundación Rayo Vallecano, un histórico do fútbol feminino español con 3 títulos de liga de Primera División e 1 Copa de la Reina nas súas vitrinas.Deste xeito, As Nosas convértense nas primeiras líderes do campionato pola mellor diferenza de goles.Foi baixa Karla Bermejo, que debutou co primeiro equipo na Liga F ao saltar ao céspede na recta final do encontro no Heliodoro Rodríguez López ante a UD Costa Adeje Tenerife en substitución de Lucía Pardo.Marta Rico abriu a conta goleadora á media hora de xogo e, antes de chegar ao descanso, Elsa Ayats e Sara Cercido sentenciaron o choque.Tras o paso polos vestiarios, Jenny Corros e Valbuena estableceron o 0-5 definitivo.Deportivo ABANCA B: Antía Veiga, Noe Mayo (Carmen, min. 60), Sara Barreda, Sara Cercido (Antía Mayo, min. 60), Marta Rico, Jenny Corros, Lucía Mariño, Valbuena, Elsa Ayats (Sara Prego, min. 60), Laura Tubío (Yanis Citoula, min. 68) e Adelaida.O vindeiro domingo 13 de setembro toca de novo xogar lonxe do Dépor Training Center, coa visita á SD Eibar B ás 12:00 na Ciudad Deportiva de la SD Eibar.