O DÉPOR ROZA XA OS 12.000 ABONADOS

O Dépor roza xa os 12.000 abonados nestes primeiros días de campaña.Concretamente, 11.728 deportivistas xa renovaron o seu abono para a temporada 2026-27, no regreso a LaLiga EA Sports.A renovación realízase principalmente de forma online a través da web oficial do Club. A atención presencial quedará reservada para incidencias, situacións especiais, validacións documentais ou modalidades que requiran tramitación específica.As persoas abonadas da temporada anterior manterán reservada a súa localidade ata o domingo 26 de xullo.A renovación online estará dispoñible ata o domingo 26 de xullo ás 23:59 horas, mentres que a renovación por transferencia rematará o xoves 23 de xullo ás 13:00 horas.A partir do luns 27 de xullo, as localidades non renovadas quedarán liberadas para cambios de asento, cambios de modalidade, novas altas ou reasignacións internas. Os cambios de localidade e modalidade realizaranse do 29 de xullo ao 12 de agosto ás 18:00 horas, exclusivamente para persoas abonadas da temporada pasada e mediante cita previa.

Máis formas de vivir o DéporA temporada 2026/2027 incorpora distintas modalidades para adaptarse a diferentes formas de vivir o Club: abonos con localidade, abonos bonificados, abonos VIP, modalidade Ouro e novas modalidades sen localidade para quen quere seguir formando parte do Dépor aínda que non dispoña de asento fixo en ABANCA-RIAZOR.Máis do 40% das persoas abonadas terá algún tipo de bonificaciónO RC Deportivo mantén un modelo de bonificacións amplo para acompañar distintos colectivos de deportivistas. Máis do 40% das persoas abonadas contará con algún tipo de bonificación no prezo anual.As modalidades bonificadas inclúen descontos para maiores de 65 anos, persoas con diversidade funcional, Sub-25 e ADN Branquiazul Sub-15. As bonificacións contemplan un 20% de desconto para maiores de 65 anos e diversidade funcional, un 40% para Sub-25 e un 55% para ADN Branquiazul Sub-15.Ademais, o Club procurou que a actualización de prezos teña un impacto máis contido nas zonas máis económicas do estadio, mantendo opcións de acceso para distintos perfís de afeccionado.

Un abono con máis vantaxes para abonados e simpatizantesOs abonos 2026-27 incorporan máis beneficios para as persoas abonadas e simpatizantes. Entre as principais melloras destaca o incremento do desconto en DéporTiendas e en deportienda.es, que pasa do 5% ao 10% para as principais modalidades.Segundo a modalidade elixida, as persoas abonadas e simpatizantes poderán acceder a sorteos exclusivos, experiencias como Matchday VIP ou meet & greet con xogadores, camisetas, tarifas especiais no Museo & Tour, vantaxes adicionais de patrocinadores e colaboradores, descontos en actividades do Club, preferencia ou prioridade na compra de entradas e vantaxes vencelladas a ANOSACANTEIRA.O abono dixital na APP RCDeportivo será a forma principal de levar o carné durante a tempada. Quen desexe dispoñer tamén de carné físico poderá solicitalo cun custo de 3,50 euros e envío a domicilio.Deportivista + e Deportivista: seguir sendo parte do Dépor, tamén sen localidadeA temporada 2026-27 incorpora dúas novas modalidades para quen quere seguir formando parte do RC Deportivo sen contar cunha localidade fixa en ABANCA-RIAZOR: Deportivista + e Deportivista.Deportivista + está pensado para quen quere manter unha vinculación activa co Club, conservar o seu número e antigüidade, gozar de vantaxes, participar en sorteos e experiencias, acceder a descontos e ter prioridade para optar a un futuro abono con localidade cando exista dispoñibilidade. Este novo programa substitúe ao antigo Soci@ Amig@.Deportivista permite seguir formando parte do Dépor, manter o vínculo co Club, gozar de vantaxes, descontos, promocións e preferencia na compra de entradas.Tamén se mantén a modalidade Deportivista JR, pensada para que os deportivistas máis pequenos formen parte do Club desde os seus primeiros anos.

Máis Dépor: Dépor ABANCA, Fabril e LiceoO Dépor non remata no primeiro equipo masculino. Por iso, os abonos 2026-27 amplían as opcións para acompañar tamén a Dépor ABANCA e ao Fabril durante toda a temporada.As persoas abonadas e titulares de carné deportivista poderán engadir o acceso a todos os partidos do Dépor ABANCA por 20 euros, o acceso a todos os partidos do Fabril por 20 euros ou o extra conxunto Dépor ABANCA + Fabril por 35 euros, sempre suxeito á retirada previa de entrada, dispoñibilidade, aforo, recinto e operativa de cada encontro.Como novidade, este ano xa non é necesario ser persoa abonada para poder asistir aos partidos do Dépor ABANCA ou do Fabril. Cun Pase de Temporada desde 25€ poderás acceder a todos os partidos que o Fabril e o Dépor ABANCA xoguen en ABANCA-RIAZOR e Dépor Training Center (ata completar aforo). Será necesaria a retirada da entrada sen custo. Ao non tratarse dun abono, este pase non manterá antigüidade ningunha de persoa abonada.Tamén se incorpora o extra Liceo, que permite acceder a partidos amigables e de competición oficial do HC Liceo no Palacio dos Deportes de Riazor, agás aqueles declarados como Días do Club, sen reserva de asento e ata completar aforo.

Cada asento conta: liberación de asento e moeDÉiroA temporada 2026-27 reforza o sistema de liberación de asento, unha ferramenta pensada para que ABANCA-RIAZOR estea o máis cheo posible e para que máis deportivistas poidan acceder a unha entrada cando unha persoa abonada non poida asistir.Se unha persoa abonada non pode acudir a un partido, poderá liberar a súa localidade. Se o Club vende esa entrada, xeraráse un saldo equivalente ao 50% do prezo neto da localidade vendida, que se incorporará ao seu moeDÉiro e poderá aplicarse como desconto na renovación da temporada seguinte, cos límites establecidos. Se a localidade liberada non se vende, poderá recuperarse ata 12 horas antes do partido.A liberación de asento permite que o abono siga sumando mesmo cando a súa titular non pode estar na bancada: axuda ao equipo, mellora o ambiente, facilita que outra ou outro deportivista poida entrar en ABANCA-RIAZOR e recoñece o uso responsable de cada localidade.

Compromiso de asistencia: un ABANCA-RIAZOR máis cheo, un Dépor máis forteO RC Deportivo implementa esta temporada o Compromiso de Asistencia e Utilización do Abono, un sistema pensado para fomentar a asistencia, facilitar a cesión e promover a liberación de localidades cando unha persoa abonada non poida acudir.Para os 19 partidos de LaLiga EA SPORTS na casa, establécense 15 usos válidos como referencia para acceder a condicións preferentes de renovación. Contarán como uso válido tres accións: asistir ao partido, ceder o abono ou liberar o asento a través das canles oficiais do Club.O obxectivo é recoñecer e fomentar un uso responsable do abono, ademais de permitir que outros deportivistas teñan máis opcións de conseguir unha entrada cando exista dispoñibilidade. Cada localidade ocupada axuda ao equipo e mellora o ambiente de ABANCA-RIAZOR.Podes descargar aquí o dossier da campaña de abonados.