O FÚTBOL FEMININO CELEBRA A SEMANA EUROPEA DO DEPORTE CON 'HER FUTBOL FUTURE'

Hai moitas formas de celebrar a Semana Europea do Deporte. Na RC Deportivo Fundación, unha delas tiña que ser cun balón nos pés e co fútbol feminino como protagonista.No marco de 'Her Futbol Future' vivíuse unha xornada especial na que o fútbol volveu ser un punto de encontro para compartir experiencias, aprender xuntas e, sobre todo, gozar xogando.Sobre o terreo de xogo quedaron os goles, os pases e as ganas de seguir mellorando. Pero tamén quedaron outros momentos que non aparecen en ningún marcador: as risas, o compañeirismo, a ilusión e a alegría de compartir unha paixón.As imaxes da xornada gardan unha parte de todo o vivido. O resto permanece en quen participou nela e neses pequenos momentos que fan que, cando remata o adestramento, sempre haxa ganas de quedar un pouco máis.'Her Futbol Future' busca precisamente crear espazos nos que cada vez máis rapazas poidan achegarse ao fútbol, descubrir todo o que este deporte lles pode ofrecer e atopar motivos para volver.Unha xornada máis para seguir construíndo futuro a través do fútbol feminino. Un balón, moitas ganas de xogar e un obxectivo común: que cada vez sexan máis as nenas e mozas que atopen o seu lugar no fútbol.Financiado pola Unión Europea, as opinións e os puntos de vista expresados só comprometen a súa autoría e non reflicten necesariamente os da Unión Europea nin os da Axencia Executiva Europea de Educación e Cultura (EACEA). Nin a Unión Europea nin a EACEA poden ser consideradas responsables deles.