O RC DEPORTIVO ACTIVA A PRERRESERVA DE ENTRADAS PARA A VISITA Á UD LAS PALMAS DO SÁBADO 10 DE XANEIRO ÁS 18:30

O RC Deportivo habilita a prerreserva de entradas para o partido do sábado 10 de xaneiro ás 18:30 horas no Estadio Gran Canaria ante a UD Las Palmas, correspondente á 21ª xornada de LaLiga Hypermotion.O conxunto canario puxo a disposición do RC Deportivo un total de 350 entradas, das cales o 40% serán xestionadas e vendidas pola Federación de Peñas (140), e o resto a través do Club (210).As localidades teñen un prezo de 20 euros e quedan limitadas a 2 localidades por abonado. Para realizar a xestión, o abonado deberá acceder á web .A prerreserva poderase realizar desde a publicación desta nota e até o mércores 31 de decembro ás 21:00.No caso de que houbese máis abonados en prerreserva que entradas dispoñibles, realizarase un sorteo, cuxo resultado se comunicará aos abonados agraciados o venres 2 de xaneiro; e notificaráselles a forma de pago e como recibir as entradas.As localidades que non fosen retiradas o luns 5 de xaneiro ás 18:00 horas serán asignadas aos suplentes que se designarán, así mesmo, no sorteo realizado. O prazo límite para a retirada das entradas será o mércores 7 de xaneiro ás 18:00.Por conseguinte, non haberá venda física de entradas na OAD para este encontro.Será obrigatorio presentar o abono e o DNI do abonado.