O RC DEPORTIVO PON EN MARCHA O I PLAN DE IGUALDADE

Esta semana finalizou o proceso de rexistro do I Plan de Igualdade do RC Deportivo coa confirmación de inscrición no rexistro de acordos e convenios colectivos de traballo da Comunidade Autónoma de Galicia.Este trámite era o definitivo após a firma levada a cabo o pasado luns 20 de xaneiro.A negociación e firma do Plan é un paso fundamental no compromiso por promover a equidade, a diversidade e a inclusión dentro do Club.Este plan é o resultado dun proceso de diagnóstico da situación actual e de negociación coa representación legal das persoas traballadoras, o cal establece un conxunto de medidas concretas e avaliables para erradicar calquera posible brecha de xénero e garantir condicións laborais equitativas.Coa implementación deste plan, reafírmase o compromiso de:-Promover a igualdade de oportunidades entre mulleres e homes en todos os niveis da organización.-Impulsar medidas específicas para previr calquera tipo de discriminación laboral e salarial.-Fomentar políticas que favorezan a conciliación da vida laboral, persoal e familiar.-Garantir unha representación equitativa nos procesos de selección, promoción interna e formación.Esta firma non só supón o cumprimento dunha obrigación legal, senón tamén a consolidación da aposta pola equidade, o respecto e a diversidade. Este é só o inicio dun camiño cara a unha organización máis inclusiva e equitativa para todas as persoas que forman parte do Club.