
DÉPOR · 27 AGOSTO 2026
PRIMEIRO ADESTRAMENTO NO DÉPOR TRAINING CENTER DE ADAMA TRAORÉ, QUE «LLE TEN QUE DAR MOITO AO DÉPOR»
O Dépor regresou este xoves 27 de agosto aos adestramentos no Dépor Training Center e o cadro de xogadores recibiu un novo futbolista, Adama Traoré.O futbolista catalán aterrou onte á noite en Galicia unha vez formalizada a súa incorporación ao Club.Esta mañá, o novo atacante branquiazul completou boa parte da sesión cos seus novos compañeiros, que o saudaron antes de comezar co tradicional corredor de labazadas.

Manuel Pablo, técnico do filial, que se enfrontou a Adama Traoré cando este era futbolista do FC Barcelona B, lembra que "nese partido non saíu de inicio. Saíu nos últimos minutos. Ademais, ese partido xogueino pola esquerda. É un futbolista bastante rápido, era bastante novo. Medrou moito nese sentido de saber escoller as situacións. Ten que darlle moito ao Dépor".Tras unha activación e unha roda de pases, Antonio Hidalgo dispuxo un exercicio táctico, un partido e fútbol en espazo reducido para concluír.Todo o cadro de xogadores se exercitou no céspede agás Noé, que continúa co proceso de recuperación da súa escordadura de nocello.Este venres, Os Nosos adestraranse de novo a partir das 10:30 no Dépor Training Center para continuar preparando o partido ante o Valencia CF previsto para este domingo 30 de agosto ás 19:30 (Dazn) en ABANCA-RIAZOR.

A RC Deportivo Fundación e HM Hospitales unen forzas para coi...

Nsongo Bil, Lorenzo Amatucci e Lucas Noubi incorpóranse aos a...

Unionistas no Reina Sofía o sábado 28 de novembro e Real Avil...

José María Giménez foi titular na goleada de Uruguai á Repúbl...

As Nosas retoman os adestramentos tras a xesta ante o Barça e...

David Mella disputa a segunda metade do Albania-España sub-21...




