VEGA MONTESINOS, POLIVALENCIA PARA O CARRIL ZURDO DO DÉPOR ABANCA

Vega Montesinos Berasategui (Murcia, 29 de agosto de 2005) é nova xogadora do Dépor ABANCA. A futbolista murciana incorpórase á disciplina branquiazul até xuño de 2028, con opción de ampliar o seu contrato, para reforzar a banda esquerda grazas á súa versatilidade, xa que pode desempeñarse tanto como lateral como en posicións máis adiantadas.Montesinos chega procedente do Alhama CF ElPozo, club ao que se incorporou na temporada 2024-25 tras completar a súa formación nas categorías inferiores do Real Murcia Féminas.Na pasada campaña, xa na Liga F, disputou 18 encontros e asinou 3 goles co conxunto murciano. Un curso antes fora unha peza importante no ascenso do Alhama CF ElPozo á máxima categoría, participando en 13 partidos e anotando un tanto en Primera Federación.Cos seus 22 anos, Vega Montesinos aterra na Coruña despois de demostrar a súa capacidade para adaptarse a distintas posicións no flanco esquerdo e achegar tanto solidez defensiva como profundidade en ataque.A súa incorporación súmase ás xa anunciadas de Andrea Tarazona, Daniela Caracas, Eva Alonso e Marisa García, que a pasada tempada militou como cedida polo Real Madrid CF; así como ás renovacións de Lucía Rivas, Paula Redruello, Merle Barth, Paula Novo e Espe Pizarro.Con todo iso, o Dépor ABANCA continúa perfilando o seu cadro de xogadoras de cara á próxima tempada.