YAYO GONZÁLEZ, NOVO XOGADOR DO FABRIL

Pelayo González Rey (Oviedo, 30 de xullo de 2004), coñecido futbolisticamente como Yayo González, incorpórase ao Fabril até xuño de 2027, con opción de ampliación.O novo centrocampista branquiazul formouse nas categorías inferiores do Real Oviedo e chega ao Deportivo despois dunha temporada na Cultural Leonesa, coa que disputou 14 encontros en LaLiga Hypermotion, dous deles precisamente fronte ao Dépor.Yayo González conta ademais cunha notable experiencia en Primera Federación, categoría na que acumula 36 partidos, todos eles defendendo a camiseta do CD Lugo.A súa traxectoria profesional complétase con 6 participacións na Copa del Rey, repartidas entre a Cultural Leonesa e o Real Oviedo.Coa súa chegada, o Fabril incorpora un centrocampista novo pero con experiencia tanto no fútbol profesional como nas categorías de formación, que afronta agora unha nova etapa en #ANOSACANTEIRA.A chegada de Yayo González súmase ás de Manu Serrano, Koke San Juan e Justino Barbosa; unidas ás renovacións de Íker Vidal, Damián Canedo, Quique Teijo, David Domínguez, Noé Carrillo e Manu Ferreiro.Benvido ao Fabril Yayo!