O RC Deportivo condena enerxicamente calquera tipo de comportamento intimidatorio, violento ou ameazante como os tristemente acaecidos en últimos días; posto que os mesmos van en contra dos valores de respecto, convivencia e deportividade que a nosa entidade promoveu e promove tanto dentro como fóra do campo desde a súa creación.
Por iso, o RC Deportivo porá a disposición das autoridades competentes toda a información coa que xa conta e que continúa solicitando, colaborando en todo o necesario coas mesmas co obxectivo de erradicar este tipo de actuacións.
O RC Deportivo sempre traballou e seguirao facendo para manter o benestar da súa comunidade e a seguridade de todos os seus membros no seu compromiso coa tolerancia cero ante calquera tipo de violencia.
