ABERTO O PRAZO DE SOLICITUDE DE ENTRADAS PARA O PARTIDO ANTE A REAL SOCIEDAD DO DOMINGO 11 DE OUTUBRO ÁS 16:15

O RC Deportivo abre o prazo de solicitude de entradas para o partido ante a Real Sociedad, que se disputará o vindeiro domingo 11 de outubro ás 16:15 horas no Estadio de Anoeta.Un total de 430 entradas poranse á disposición dos abonados e abonadas do RC Deportivo.O prezo de cada entrada será de 30 euros.As persoas abonadas interesadas poderán realizar a súa solicitude desde hoxe sábado 3 de outubro ata este domingo 4 de outubro ás 19:30 horas, premendo nesta ligazón.Cada abonado ou abonada poderá solicitar un máximo de 2 entradas. A presentación da solicitude non garante a súa adxudicación.No caso de que o número de entradas solicitadas supere as 430 localidades dispoñibles, o RC Deportivo realizará un sorteo público, que será retransmitido en directo a través da canle oficial do Club en YouTube.A data e a hora do sorteo comunicaranse unha vez finalizado o prazo de solicitude.O Club informará directamente por correo electrónico as persoas solicitantes do resultado do proceso, así como dos prazos para completar a compra e do procedemento de entrega das entradas.