ALBERTO RODRÍGUEZ: "XOGAMOS EN ABANCA-RIAZOR, QUE É UNHA BAZA IMPORTANTE"

Alberto Rodríguez manifestou este venres 28 de agosto na sala de prensa do Dépor Training Center que "fomos repartindo cargas ao longo de toda a pretemporada porque criamos que era o mellor para coñecer as futbolistas. Grazas ao traballo do staff e delas mesmas non houbo contratempos en forma de lesións. Chegamos con case todo o grupo ao completo e con moitas ganas de afrontar o partido" ante o Sevilla FC este sábado 29 de agosto ás 12:00 en ABANCA-RIAZOR (Dazn, Teledeporte e RTVE Play).Do conxunto andaluz afirma que "mantén o bloque do ano pasado. É un equipo moi perigoso ás costas. Trataremos de dificultarlles esas posibilidades de gol coas nosas armas, tentando levar o partido ao noso terreo. Xogamos en ABANCA-RIAZOR, que é unha baza importante".Con varias canteirás con protagonismo xa no primeiro equipo, o técnico do Dépor ABANCA sostén que "teñen moi bo nivel. Por suposto, teñen que seguir desenvolvéndose, ao igual que o resto de futbolistas. Tanto o DNI como a procedencia son un número. Queremos que sexan o mellor posible, o máis competitivas posible. Desde o noso rol temos que darlles todas as ferramentas para que teñan o maior protagonismo posible".Finalmente, Alberto Rodríguez asegura que, a piques de comezar a terceira temporada consecutiva na Liga F, "ANOSAFORZA é moi importante. O único partido que puiden vivir desde o meu rol este ano foi o Teresa Herrera, cun ambiente moi bo. Lembro o ano pasado partidos que se nos estaban atragoando e escoitalos era importante. Desde aquí dicímoslles que son importantes, que os agardamos e trataremos co noso traballo de darlles motivos para que veñan non só mañá, senón ao longo de toda a temporada".