BEREKET INCORPÓRASE COMO COLABORADOR OFICIAL DO RC DEPORTIVO

O RC Deportivo e Bereket asinaron un acordo de colaboración polo que o Restaurante Bereket se incorpora ao Programa de Colaboradores Oficiais do Club. A alianza estará vixente durante a temporada 2026-2027 e reforza a aposta do Deportivo por medrar da man de empresas da súa contorna.Grazas a este acordo, Bereket terá presenza no Estadio ABANCA-RIAZOR nos partidos que dispute o primeiro equipo masculino. Así, a marca estará presente nun dos escenarios máis emblemáticos do fútbol español e conectará coa afección blanquiazul en cada xornada. A colaboración tamén inclúe visibilidade nas canles oficiais do club e nas súas comunicacións cos socios, e ambas as partes desenvolverán distintas accións ao longo da temporada.Ademais, Bereket intégrase no RC Deportivo Business Club, a rede empresarial do Dépor. Esta iniciativa reúne compañías vinculadas ao Club co obxectivo de fomentar as relacións institucionais, o networking e a xeración de oportunidades de negocio entre os seus membros, a través de encontros e eventos ao longo do ano.Un dos trazos que distinguen este acordo é o seu carácter recíproco: Bereket non só acompañará o club como colaborador, senón que tamén actuará como provedor, subministrando produtos propios da súa actividade. Deste xeito, a marca pasa a formar parte tamén do día a día da entidade.Con esta incorporación, o RC Deportivo segue ampliando a súa rede de colaboradores con empresas que comparten o seu vínculo co territorio e o seu compromiso coa afección. O club mantén así a súa estratexia de construír relacións duradeiras co tecido empresarial galego, baseadas na confianza, o beneficio mutuo e os valores que definen o deportivismo.