MARIO SORIANO ADVIRTE DE QUE EN ABANCA-RIAZOR HAI QUE "CONSEGUIR PUNTUAR O MÁXIMO POSIBLE"

Mario Soriano manifestou tras o triunfo ante o CA Osasuna en ABANCA-RIAZOR que o Dépor "tivo o control durante todo o partido. Foi un pequeno erro ese gol (en referencia ao tanto osasunista) pero a pesar diso o equipo seguiu insistindo. Tivemos as nosas ocasións. Tivemos paciencia porque o CA Osasuna defendía ben e chegou esta vitoria que necesitabamos despois destes partidos nunha boa dinámica, só que non tivemos esa miga de sorte".Amosouse pois "contento por sumar os 3 puntos e sobre todo por facelo en ABANCA-RIAZOR".O centrocampista branquiazul cre que "na casa ten que ser así todo, loitar moitos partidos e conseguir puntuar o máximo posible. Con balón o equipo está amosando moi boa cara, está facendo as cousas moi ben e defensivamente creo que tamén".Admite que despois do gol do CA Osasuna "tivemos 5 minutos de ansiedade ou de querer empatar rápido, que foi a ocasión de Budimir que nos colleu desordenados. No descanso falamos de ter paciencia, de buscar o primeiro gol para seguir no partido, para conectar máis coa xente, para que esa enerxía nos empurrase cara arriba. Saíu á perfección. Os cambios foron perfectos e chegou a vitoria que necesitabamos".Finalmente Mario Soriano recalca que no vestiario "sabiamos que estabamos facendo as cousas ben. Contra equipos grandes tivemos as nosas oportunidades, os nosos momentos de conseguir puntos. Era cuestión de insistir, de mellorar pequenos detalles e de que a pelota entrase. Hoxe (por onte) tivemos esa miga de sorte no segundo gol, no que Bil estivo atento e foi o tanto que nos deu a vitoria. O Dépor está facendo as cousas moi ben e hai que seguir insistindo en todo o que facemos".Así mesmo, o '21' deportivista pide "valorar todo o que estamos facendo nesta categoría".