DIEGO VILLARES RENOVA POLO DÉPOR ATA 2028

O RC Deportivo e Diego Villares Yáñez (Vilalba, 17 de xuño de 1996) continuarán unidos ata xuño de 2028, ampliando unha relación construída sobre o traballo, o compromiso e unha profunda identificación cos valores do deportivismo.A historia de ‘Villi’ como blanquiazul comezou na temporada 2018-19, cando se incorporou ao Fabril procedente do Racing Villalbés. Desde entón, o seu crecemento foi constante ata converterse nunha das figuras máis representativas do Club.A súa chegada ao primeiro equipo produciuse no mercado de inverno da campaña 2020-21, nun dos momentos máis complexos da historia recente deportivista. Co Dépor en Primera RFEF, Villares asumiu o reto coa mesma entrega que amosara desde a súa chegada a Abegondo.Desde entón foi protagonista dunha etapa de reconstrución e crecemento que culminou co regreso do Deportivo á Primera División. Neste percorrido, consolidouse como un referente dentro e fóra do terreo de xogo.As súas cifras reflicten a súa importancia: 203 partidos oficiais, 15 goles e 7 asistencias. Pero a súa achega vai máis alá dos números. Villares representa o esforzo, a humildade e o compromiso que marcaron o camiño do equipo durante os últimos anos.A súa renovación ata 2028 simboliza tamén a continuidade dunha identidade. A dun futbolista que chegou desde ANOSACANTEIRA, abriu camiño co traballo diario e se converteu nun dos grandes emblemas do vestiario branquiazul.Hai xogadores que pasan polos clubs e outros que medran con eles ata formar parte da súa historia. Diego Villares pertence a este último grupo.