DOBRETE DE KEVIN NO EMPATE DO DÉPOR EN PENAFIEL CON DEBUT DOS CANTEIRÁNS MAURO VALEIRO, FRANK IGLESIAS E LEANDRO ALTIERI

Nesta primeira semana de parón polos compromisos das seleccións nacionais, o Deportivo empatou (2-2) nun partido amigable este venres 25 de setembro ante o FC Penafiel da Segunda División no Estadio 25 de Abril, en Penafiel (Portugal).O amigable enmárcase na relación que manteñen ambas as entidades e permitiu aos seus respectivos proxectos deportivos compartir unha xornada sobre o terreo de xogo, ademais de reforzar os vínculos institucionais existentes entre o RC Deportivo e o club portugués.Os lusos adiantáronse no marcador en 2 ocasións e Kevin Sánchez, un canteirán que xa destacara na pretemporada, igualou o encontro nas 2 veces.Os Nosos viaxaron a Portugal con varias ausencias.Non estiveron no 25 de abril os internacionais, concentrados coas súas respectivas seleccións nacionais: Nsongo Bil con Camerún, Lucas Noubi con Bélxica sub-21, Bright Ede con Polonia sub-21 e José María Giménez con Uruguai.Ademais, foron baixa por lesión Marc Casadó; Pierre-Emerick Aubameyang, operado con éxito este mesmo xoves do seu xeonllo dereito no Centro Olympia de Madrid; e Zakaria Eddahchouri, que foi intervido este venres 25 no Hospital HM Modelo de A Coruña dunha lesión no seu pulso esquerdo.E finalmente Amatucci, un dos futbolistas con máis minutos no que vai de liga, que realizou traballo personalizado durante toda a semana, tamén quedou en A Coruña.Ante este panorama, Antonio Hidalgo levou consigo o fabrilista Kevin, titular e autor de dous goles; e os xuvenís Mauro Valeiro, Leandro Altieri e Frank Iglesias, este último no once inicial.Ferllo foi o porteiro, con Alti e Angeliño nos laterais. Loureiro e Arnau ocuparon o centro da defensa. Yeremay e Adama xogaron nas bandas, mentres que Villares foi o pivote. Jensen situouse en ataque xunto a Kevin.Adiantouse o FC Penafiel grazas a un gol de cabeza do exdeportivista Davo tras un centro de Nfanseu Comrad desde a dereita. Corría o minuto 6.De novo Comrad puxo un centro á área, pero desta volta o remate de Claudio Mendes acabou nas mans de Ferllo.Case no primeiro disparo a porta do Dépor, Kevin empatou nun contragolpe conducido por Yeremay. O rexeitamento caeulle ao fabrilista, que definiu colocando o balón raso lonxe do alcance doutro exdeportivista, Eric Puerto.Un minuto antes, Ferllo evitara o segundo do FC Penafiel ao despexar co corpo un remate a queimarroupa de Tiago Sampaio tras o lanzamento dunha falta lateral.Agora si, o Dépor colleu o ritmo do encontro e dominou o seu rival, que buscaba crear perigo ao contragolpe.A piques estivo o conxunto branquiazul de marchar con vantaxe ao descanso, pero a defensa portuguesa despexou in extremis o centro de Kevin pola esquerda cara a Jensen, que estaba só ante Puerto.Co 1-1 chegouse ao descanso.

Tras o paso polos vestiarios, Dani Barcia substituíu a Altimira e, por conseguinte, Loureiro pasou ao carril dereito.Despois de 2 disparos de Kevin e Yeremay que detivo Miguel Oliveira, substituto de Puerto, o FC Penafiel volveu poñerse por diante cun gol afortunado. Juanda chutou desde fóra da área, o balón tocou en Yeremay e despistou a Ferllo.Kevin volveu igualar o partido no minuto 55 ao aproveitar unha mala saída de balón do FC Penafiel. O seu primeiro remate detívoo nun primeiro momento Miguel Oliveira, pero despois o canteirán non perdoou.O conxunto de José Manuel Aira respondeu cun remate de Juanda ao segundo pau que atallou o gardameta deportivista.A recta final, sen ocasións relevantes e en pleno carrusel de cambios, deixou o debut dos outros dous xuvenís, Mauro Valeiro e Leandro.Iso si, o colexiado do encontro, no minuto 84, anuloulle un gol a Schutte por fóra de xogo do atacante luso.FC Penafiel: Eric Puerto (Miguel Oliveira, min. 46 e Alexei Rojas, min. 74), Joao Miguel, Douglas (Tiago Lopes, min. 74), Davo (Pica, min. 46), Mere (Álex Carbonell, min. 46), Joao Pinto (Pedro Sá, min. 39), Nfanseu Comrad (Max Svensson, min. 46), Gonçalo Negrao (Juanda, min. 46), Varela (Duarte Oliveira, min. 46), Tiago Sampaio (Mairlon, min. 61) e Claudio Mendes (Schutte, min. 46)Deportivo: Ferllo (Germán, min. 74), Altimira, Arnau, Loureiro (Mario Soriano, min. 74), Angeliño, Villares, Frank Iglesias (Mauro Valeiro, min. 74), Adama (Mella, min. 82), Yeremay (Leandro, min. 82), Asp Jensen (Riki, min. 74) e Kevin (Quagliata, min. 87)Árbitro: Marcio Torres, de Portugal.Goles: 1-0 Davo (min. 8); 1-1 Kevin (min. 28); 2-1 Juanda (min. 48); 2-2 Kevin (min. 55)Incidencias: partido disputado no Estadio 25 de abril. Gardouse un minuto de silencio en memoria do sogro do técnico do FC Penafiel, o ex deportivista José Manuel Aira