O DÉPOR SUMA UN PUNTO ANTE O ELCHE CF NO SEU REGRESO A LALIGA EA SPORTS

Oito anos despois, ABANCA-RIAZOR volveu abrir as súas portas para recibir un partido da máxima categoría, neste caso co Elche CF como rival.O encontro rematou en táboas (1-1), co que o Dépor suma o seu primeiro punto en LaLiga EA Sports."Isto vai de sumar, o primeiro punto do ano coa dificultade que teñen todos os partidos; ante un equipo que ten moita posesión. Nese estrés temos que saber vivir".Foi baixa Yeremay, que segue co seu proceso de regreso progresivo á competición.Antonio Hidalgo deu entrada no once a Altimira e Asp Jensen, recuperados das molestias que os tiveron á marxe durante boa parte da pretemporada.No equipo titular branquiazul, ata 7 deportivistas debutaban na categoría: Lucas Noubi, Bright Ede, Quagliata, Amatucci, Mario Soriano, Asp Jensen e Bil.O Elche CF apropiouse do balón nos primeiros minutos.Aos 9 minutos, Leo Román salva co seu corpo un remate a queima roupa de Ali Houary na área pequena tras un saque de esquina.Dominaban os ilicitanos pero golpeou o Dépor. Aos 20 minutos, Amatucci mete un balón longo a Aubameyang, que cruza o esférico ante Dituro logrando o primeiro gol do partido.Pouco antes, Bil estivo a piques de inaugurar o marcador. O canteirán recolleu fóra da área un mal pase do porteiro do Elche CF e o seu disparo sálvao nunha gran parada Dituro.Co 1-0 chegouse ao descanso.Tras o paso polos vestiarios a primeira ocasión foi para Asp Jensen nunha acción individual pola banda esquerda que rematou cun disparo que se marchou rozando o pau esquerdo.Apretou o Elche CF na procura do empate. "Faltounos algo de frescura a partir de aí", recoñeceu o técnico deportivista.Leo Román evita a igualada no minuto 57 a disparo de Fer Niño primeiro e de Gonzalo Villar a continuación. A bancada aclamou a gran intervención do gardameta deportivista."Comezaron a meternos no noso campo e custounos", subliñou o adestrador branquiazul.Aguado pon as táboas no marcador no minuto 75 ao cabecear á rede un centro desde a banda dereita. Esta vez Leo Román nada puido facer.Non houbo tempo para máis e o encontro rematou en empate (1-1).Deportivo: Leo Román, Ximo Navarro, Lucas Noubi, Bright Ede, Quagliata, Amatucci, Mario Soriano (Luismi Cruz, min. 70), Altimira (Mella, min. 70), Asp Jensen (Villares, min. 60), Bil (Eddahchouri, min. 60) e Aubameyang (Kevin, min. 84)Elche CF: Dituro, Sangare, Redondo (Tete, min. 60), Aguado, Germán (Padilla, min. 81), Gonzalo Villar, Fer Niño (Umaru, min. 69), Neto (Cepeda, min. 60), Affengruber, Víctor Chust e Ali Houary (Morcillo, min. 81)Árbitro: Francisco José Hernández, do comité estremeño. Amonestou a Ximo Navarro (min. 26), Amatucci (min. 45+1), Gonzalo Villar (min. 68) e Umaru (min. 88)Goles: 1-0 Aubameyang (min. 21); 1-1 Aguado (min. 75)Incidencias: partido disputado en ABANCA-RIAZOR ante 29.038 espectadores. Gardouse un minuto de silencio en memoria dos falecidos no terremoto de Colombia