O RC DEPORTIVO PRESENTA “VOA”, O SEU HIMNO OFICIAL COMPOSTO POR XOEL LÓPEZ: UN SÍMBOLO DE IDENTIDADE, UNIÓN E FUTURO

O RC Deportivo presentou o seu novo himno oficial, “Voa”, unha peza composta por Xoel López e que nace para reforzar a identidade do club no seu 120 aniversario e tras o seu regreso á Primeira División. O himno busca conectar con todas as xeracións de deportivistas a través da emoción, da tradición e do sentimento compartido.Referente da música española nas últimas décadas —primeiro á fronte de Deluxe e posteriormente con traballos como Atlántico ou Si mi rayo te alcanzara—, Xoel López asina en ‘Voa’ o himno do club da súa cidade e “dos seus amores”. A composición chega en 2026, coincidindo coa presentación do seu décimo sétimo álbum, Oniria Popular, e supón un novo vínculo entre a súa traxectoria artística e o sentimento deportivista. O himno estrearase este mércores, 12 de agosto de 2026, no estadio ABANCA-RIAZOR, no marco da LXXXI edición do Trofeo Teresa Herrera, coa presenza de Xoel López xunto aos artistas e colectivos que participaron na súa gravación.‘Voa’ é, por riba de todo, un canto colectivo. Un himno no que é o deportivismo quen lle canta ao Dépor: “Voa, contra o vento Dépor voa…”. Unha idea que sintetiza os valores do Club: o inconformismo e a teimosía de voar contra o vento; a paixón compartida “xuntos nun só corazón”; o sentimento de pertenza “un sentimento que é branco e azul, que é de sal e vento”; a unidade que representa “sempre ao teu carón” e a transmisión xeracional “nos ollos dos nosos nenos, dende o ceo os nosos avós”.Unha obra plural, de esencias galegas

O vínculo coa identidade galega e coruñesa é tamén unha das chaves do novo himno. No seu proceso creativo, Xoel López rodeouse de formacións e colectivos que son patrimonio vivo da cidade e da cultura galega, reforzando o arraigamento da peza. Participaron Kilomberos de Monte Alto, Xacarandaina, o Coro Infantil Cantábile, a Orquestra Sinfónica de Galicia, Caamaño & Ameixeiras, Belém Tajes e Susana Seivane, entre outros.Un videoclip que sobrevoa A Coruña

O lanzamento de ‘Voa’ canalízase a través dun videoclip concibido como un percorrido polos lugares máis emblemáticos da Coruña que simboliza o camiño cara a Riazor nun día de partido. Rodado como un plano secuencia, o videoclip propón unha viaxe aérea pola cidade, conectando espazos icónicos como a Mariña, os Xardíns de Méndez Núñez e o propio paseo marítimo. O piloto do dron é David Lougedo (A Coruña, 1985), un dos especialistas máis recoñecidos a nivel internacional, con experiencia en grandes producións audiovisuais como La sociedad de la nieve, Infiesto, Zeta ou Clanes, entre outras. Tamén se destaca a participación de Entropy, empresa especializada en efectos visuais (VFX), animación 3D e posprodución dixital.A peza amosa A Coruña volcada co seu equipo, acompañando o Dépor nese voo simbólico “contra o vento”. Ao longo do percorrido, aparecen as distintas artistas e colectivos participantes, así como centos de deportivistas que toman as rúas, convertendo o videoclip nunha celebración aberta e participativa que reflicte a dimensión social e cultural do club.A narrativa do videoclip acompaña as horas previas a un partido en Riazor: dende os primeiros encontros nos barrios ata a chegada ao estadio, pasando por momentos que combinan tradición, música e vida cotiá coruñesa.Concibido como unha expresión viva, o himno está chamado a ser cantado tanto en ABANCA-RIAZOR como fóra del, converténdose nun elemento de cohesión para toda a comunidade deportivista. A primeira vez que se escoitará ‘Voa’ no Estadio ABANCA-RIAZOR será no descanso da LXXXI edición do Trofeo Teresa Herrera, este 12 de agosto de 2026.Créditos

Músicos

Xoel López: voz principal, coros, guitarras eléctricas, sintes.

Adrián Seijas: batería, percusións, coros, sintes.

Julián Seijas: baixa.

Belén Tajes: voces.

Antía Ameixeiras: voces e violín.

Sabela Caamaño: acordeón.

Cibrán Seixo: violín.

Brais Maceiras: gaita.

Susana Seivane: gaita.

Kilomberos de Monte Alto: percusión.

Xacarandaina: percusións e coros.

Orquestra Sinfónica de Galicia: cuarteto de corda, metais e timbais sinfónicos.

Coro Xuvenil Cantabile: coros.

Produción

Producido por Xoel López e Adrián Seijas.

Gravación

Gravado en Estudios El Jardín Botánico, Estudios Bruar e Estudios Mans.

Corpo técnico

Nicolás Vieites: enxeñeiro de gravación.

⁠Pete Cunado: asistente de gravación.

José García: asistente de gravación.

Javier Justo: asistente de gravación.

David Greenbaum: enxeñeiro de mestura e masterización.

LetraVoa

Voa

Contra o vento

Dépor, voa

E nós ao teu carón

La, la, la, la, la, la, la

La, la, la, la, la, la, la

La, la, la, la, la, la, la

Dé!

Se sentes

Bater as ondas

Tremer os muros

Ao teu redor

Colle a miña man e voa

Se sentes

Marchar o soño

Medrarei unha ilusión

Eu soñarei por ti

Nos ollos dos nosos fillos

Dende o ceo os nosos avós

Faro que alumea o mundo

Xuntos nun só corazón

Voa

Voa

Contra o vento

Dépor, voa

Voa

Voa

Contra o vento

Sempre, voa

E nós ao teu carón

Dé

Carmiña, Carmela

Ten un sentimento

Que é branco e azul

É de sal e vento

É de sal e vento

É branco e azul

Carmiña, Carmela

Ten un sentimento

Sempre ao teu carón

Ti es orde e es talento

Ti es todo, e ti somos nós

Sempre ao teu carón

Todos nun único canto

O latexo de Riazor

Voa

Voa

Contra o vento

Dépor, voa

Voa

Voa

Contra o vento

Sempre, voa

E nós ao teu carón

La, la, la, la, la, la, la

FOR!

La, la, la, la, la, la, la

ZA!

La, la, la, la, la, la, la

DÉ!

La, la, la, la, la, la, la

POR!