EN MARCHA O DÉPOR KNOWLEDGE DAYS PARA COÑECER A METODOLOXÍA E PREPARACIÓN FÍSICA NO FÚTBOL DE ELITE

O RC Deportivo e Zenith Sports pon en marcha o Dépor Knowledge Days, o 27 e 28 de decembro na sala de prensa do Dépor Training Center; e dirixido a adestradores, preparadores físicos, readaptadores e coordinadores deportivos.O obxectivo é vivir desde dentro a preparación física e a metodoloxía do fútbol de elite.Así, os participantes coñecerán a planificación do adestramento, a avaliación do talento e os principios que definen a identidade futbolística do club.E explorarán os fundamentos científicos do rendemento, as estratexias de prevención de lesións e os procesos de readaptación funcional aplicados á contorna profesional do RC Deportivo.

Entre os relatorios están os seguintes: "Principios e subprincipios do modelo de xogo RC Deportivo", "O balón parado. Dos datos ao adestramento e rendemento" ou "Do dato ao rendemento: como integrar a información biomecanica e GPS na planificación do adestramento".Ademais, está contemplada a asistencia aos partidos de liga en ABANCA-RIAZOR Dépor - Cadiz CF e Dépor ABANCA - UD Costa Adeje Tenerife Egatesa.As prazas son limitadas: 30 para a área de Metodoloxía e 20 para a área de Preparación Física.Os interesados poden inscribirse nesta ligazón. Máis información en [email protected] ou no móbil: 621-252356.