FIN DA PRETEMPORADA DE OS NOSOS CUNHA SOA DERROTA E 3 GOLES ENCAIXADOS EN 7 PARTIDOS

A 81ª edición do Trofeo Teresa Herrera puxo o punto final á pretemporada do Dépor, que xa ten a mirada posta no inicio de LaLiga EA Sports.Os Nosos comezarán o campionato o vindeiro luns 17 de agosto, ás 21:00 horas, en ABANCA-RIAZOR, nunha cita que suporá o agardado regreso do Dépor á máxima categoría e o primeiro partido oficial da temporada ante ANOSAFORZA.Atrás fican semanas de traballo, 7 encontros amigables e unha esixente xira que levou o equipo por Alemaña e Italia, dentro dun proceso de preparación deseñado para chegar nas mellores condicións posibles ao inicio da competición.O conxunto dirixido por Antonio Hidalgo midiuse durante este verán a rivais de diferentes categorías e estilos. A pretemporada comezou ante a SD Compostela, de Segunda Federación, e continuou fronte ao CD Lugo, de Primera Federación, e o Real Oviedo, de Segunda División.Xa na xira internacional, Os Nosos enfrontáronse ao FC St. Pauli, da segunda categoría alemá, antes de medirse a dous representantes da Serie A italiana, a ACF Fiorentina e o Genoa CFC. O último compromiso chegou co Real Madrid CF, na 81ª edición do Trofeo Teresa Herrera.O balance final deixa un saldo positivo de 3 vitorias, 3 empates e 1 derrota, co gol moi repartido entre diferentes integrantes do cadro.Eddahchouri, con 3 tantos, rematou como máximo goleador da pretemporada, seguido por Kevin, autor de 2 dianas. Tamén viron porta Gijselhart, Pierre-Emerick Aubameyang, Bright e Bil.Sete partidos despois, o traballo do verán chega á súa fin. Agora comeza o importante.O luns 17 de agosto, ABANCA-RIAZOR volverá ruxir. O Dépor xa está listo para LaLiga EA Sports.Os resultados da pretempada foron os seguintes:SD Compostela 0 - Deportivo 4 (Gijselhart, Eddahchouri -2- e Kevin)Real Oviedo 0 - Deportivo 0Deportivo 1 (Aubameyang) - CD Lugo 0FC St Pauli 2 - Deportivo 2 (Bright Ede e Eddahchouri)ACF Fiorentina 1 - Deportivo 1 (Bil)Genoa CFC 0 - Deportivo 1 (Kevin)Deportivo 0 - Real Madrid CF 1