INÊS PEREIRA, NOVA XOGADORA DO DÉPOR ABANCA ATA XUÑO DE 2029

O Dépor ABANCA reforza a súa portería coa incorporación definitiva de Inês Teixeira Pereira (Sintra, Lisboa, 26 de maio de 1999), que asina co RC Deportivo até xuño de 2029.A gardameta portuguesa regresa así a A Coruña despois de ter defendido durante as dúas últimas tempadas a portería de As Nosas, ambas en calidade de cedida polo Everton FC.Tras 2 anos de crecemento e rendemento ao máis alto nivel na Liga F, Inês Pereira pasa agora a ser futbolista do RC Deportivo en propiedade.A súa traxectoria como deportivista avala a súa importancia no equipo. Nas súas 2 campañas en ABANCA-RIAZOR, a gardameta disputou 55 encontros, sendo unha presenza habitual no once inicial e unha das pezas destacadas do conxunto blanquiazul.O seu gran rendemento durante a tempada 2024-25 tivo ademais un recoñecemento individual de primeiro nivel: Inês Pereira foi elixida mellor porteira da Liga F, confirmando o seu protagonismo entre as mellores gardametas da competición.Á súa experiencia a nivel de clubs súmase a súa condición de internacional absoluta con Portugal. A nova xogadora do Dépor ABANCA disputou 2 encontros no último Mundial e participou en 3 partidos da pasada Eurocopa, consolidándose tamén como unha referencia baixo os paus da selección lusa.Agora, despois de dúas tempadas defendendo a camiseta branquiazul e conquistando á afección co seu rendemento e compromiso, Inês Pereira continúa a súa historia en A Coruña.