PRIMEIRA TAREFA TÁCTICA NO DÉPOR DE CARA AO PARTIDO DESTE SÁBADO ÁS 21:00 NO ESTADIO DE LA CERÁMICA

O Dépor regresou aos adestramentos este mércores 2 de setembro no Dépor Training Center despois da xornada de descanso deste martes 1.Os Nosos pasan páxina tras o triunfo ante o Valencia CF en ABANCA-RIAZOR, cuxos mellores momentos podes ver no vídeo ao pé desta liña.

Á espera da incorporación ao grupo de Jose María Giménez (na foto ao pé desta liña á súa chegada este mediodía ao Aeroporto de A Coruña) e Marc Casadó (na foto inferior), tras as súas fichaxes onte á noite nas últimas horas do peche de mercado, Antonio Hidalgo contou con todo o seu cadro de xogadores sobre o céspede agás Noé.

O corpo técnico dispuxo unha activación con rondos para comezar.A continuación Antonio Hidalgo ordenou un xogo de posición antes de pasar a unha tarefa táctica no campo 2, xa orientada ao encontro ante o conxunto castellonense.A sesión sobre o céspede concluíu con fútbol en espazo reducido, de alta intensidade.Este xoves 3 de setembro, o Dépor continuará a partir das 10:30 a preparación do encontro ante o Villarreal CF, este sábado 5 de setembro ás 21:00 (Movistar LaLiga) no Estadio de La Cerámica.