TEUN GIJSELHART, NOVO XOGADOR DO DÉPOR

O RC Deportivo incorpora a Teun Gijselhart (Ámsterdam, Países Baixos, 6 de abril de 2005), que se converte en novo futbolista branquiazul até xuño de 2030.Cos seus 21 anos, o centrocampista neerlandés chega á Coruña tras completar unha destacada tempada no De Graafschap, co que disputou 39 encontros oficiais e repartiu 2 asistencias, consolidándose como unha das novas promesas do fútbol do seu país.Internacional cos Países Baixos nas categorías sub-15 e sub-17, Gijselhart conta ademais con experiencia na máxima categoría do fútbol neerlandés. Durante a tempada 2024-25 formou parte do PEC Zwolle, acumulando experiencia na Eredivisie antes de continuar o seu crecemento competitivo.A súa formación futbolística desenvolveuse nunha das canteiras de maior prestixio dos Países Baixos, a do AZ Alkmaar, onde adquiriu os fundamentos que lle permitiron dar o salto ao fútbol profesional. Posteriormente, tamén pasou polo filial do PEC Zwolle.Coa súa chegada, o RC Deportivo incorpora xuventude, proxección e talento para reforzar o seu centro do campo de cara aos vindeiros anos.