TRABALLO COMPENSATORIO ESTE XOVES 17 DE SETEMBRO PARA OS FUTBOLISTAS CON MENOS MINUTOS ANTE O SEVILLA FC

Os futbolistas que tiveron menos minutos de xogo no encontro deste mércores en ABANCA-RIAZOR ante o Sevilla FC foron os protagonistas da sesión de traballo deste xoves 17 no Dépor Training Center.Para eles, no campo 3 da cidade deportiva branquiazul, houbo unha activación, unha roda de pases, unha tarefa de finalizacións e fútbol en espazo reducido, de alta intensidade.

Os titulares ante os andaluces pasaron polo ximnasio e pola padiola dos fisioterapeutas nunha xornada de recuperación física.O cadro de xogadores reunirase este venres 18 de setembro a partir das 10:30 no Dépor Training Center para comezar a preparar o partido deste domingo 20 de setembro ás 18:30 (Dazn) en ABANCA-RIAZOR ante o Betis CF, «un equipo Champions», tal e como o definiu Riki, quen, non obstante, lembra que «demostramos contra o Villarreal CF alí que estamos capacitados para xogar de ti a ti contra ese tipo de equipos».