UN DÉPOR "COS PÉS NO CHAN PERO CON MOITA CONFIANZA TAMÉN" VISITA O GETAFE CF NO PRIMEIRO DE 3 PARTIDOS EN 7 DÍAS

O Dépor enfróntase este domingo 13 de setembro ás 18:30 (Movistar LaLiga) ao Getafe CF no Coliseum, en partido correspondente á 5ª xornada de LaLiga EA Sports.Os Nosos preséntanse con 8 puntos na 6ª posición da táboa e sen coñecer a derrota.Antonio Hidalgo, na rolda de prensa previa, lembra que "iso quere dicir que cada semana sumas. Isto vai de sumar. Evidentemente, o que marca a diferenza é sumar de 3. Imos con esa intención o domingo, sabendo da dificultade, con moitísima humildade".Insiste en que "isto é moi longo. Tes que ter os pés no chan, pero tamén estamos con moita confianza".O de Getafe será o primeiro dos 3 partidos previstos nunha semana, co Sevilla FC o mércores 16 ás 19:00 e co Real Betis o domingo 20 ás 18:30, ambos en ABANCA-RIAZOR.O técnico deportivista pensa que "hai que preparar o seguinte. E cando veña o Sevilla FC xa o prepararemos da mellor maneira posible. A ver como saímos, fisicamente sobre todo. Estamos centrados no día a día".Os Nosos recuperan a Altimira, que perdeu o encontro de Villarreal por sanción.O Dépor realizou esta mañá un último adestramento no Dépor Training Center antes de viaxar a primeira hora da tarde a Madrid.O corpo técnico dispuxo, tras unha activación, un ensaio de accións a balón parado, fútbol reducido e unha tarefa de finalizacións para concluír.

Pola súa banda, o Getafe CF, que a pasada fin de semana empatou no Coliseum (1-1) ante o RC Celta, é 15º con 4 puntos.Ademais dese resultado ante o equipo vigués, esta temporada os getafenses impuxéronse por 1-0 ao Real Racing Club.José Bordalás manifestou na sala de prensa que "tivemos unha semana normal. Houbo tempo para descansar, para analizar, para traballar, para preparar o partido. Somos optimistas nese sentido. Vexo ben os xogadores, con boa disposición, con bo ánimo, con ganas de que chegue o partido".Advirte o técnico do Getafe CF que "vai ser un partido de moita esixencia contra un rival que ascendeu e que xa desde o inicio amosou as súas capacidades. Chegou novamente a Primeira División para intentar quedar moitísimo tempo".Finalizado o encontro, Os Nosos pasarán a noite en Madrid e regresarán o luns 14 de setembro a primeira hora da mañá, directamente para adestrar no Dépor Training Center.